Medical tour ခရီးစဉ်မှာစုရပ်လုပ်မဲ့နေရာကို
ကြိုတင်ပြီးအကြောင်းကြားထားတာမို့ကျန်းမာရေးစစ်ဆေးဖို့လာကြတဲ့လူတွေကြိတ်ကြိတ်တိုး
နေသည်။
ရောင်နီတို့အခုရောက်နေတာကကျောက်တစ်လုံးမြို့နယ်၏အစွန်အဖျားတွင်ရှိသည့်ကျောက်တွင်းဟုခေါ်သည့်ရွာကြီးတစ်ရွာဖြစ်သည်။
ကျောက်တွင်းရွာကကားလမ်းမကြီးဘေးမှာရှိပြီးအထက်တန်းကျောင်းရှိသည်။အိမ်ခြေလည်းထောင်ချီပြီးရှိသည်။ကျောက်တစ်လုံးဆေးရုံ၏လက်အောက်ခံတိုက်နယ်ဆေးရုံလည်းရှိသည်။
တိုက်နယ်ဆေးရုံမှာအထူးကုဆရာဝန်တစ်ယောက်မှမရှိတာမို့မြို့ပေါ်ကအထူးကုဆရာဝန်
ကြီးတွေလာတုန်းကျန်းမာရေးစစ်ဆေးချင်တဲ့သူ
တွေဒုနဲ့ဒေး။တိုက်နယ်ဆရာဝန်နဲ့ကျောက်တွင်းရွာဒေသခံတွေကဒေသထွက်ရိုးရာအစားအသောက်တွေနဲ့ဧည့်ခံကြသည်။
ရောင်နီကတော့ခရီးထွက်ရလို့ပျော်နေသည်။လူနာတွေကြည့်ပေးရတာကိုပင်ပန်းတယ်လို့မထင်မိ။ရောင်နီအရမ်းပျော်နေတာကိုမြင်ရတော့ရှိုင်းလည်းပဲကျေနပ်မိသည်။သူလည်းသူ့ကလေးကိုဘယ်မှလိုက်မပို့ဖြစ်တော့ဒီခရီးကိုလိုက်လာမိတာမှန်သွားပြီဟုတွေးမိသည်။
Medical tour အဖွဲ့ကလာသမျှလူတွေအကုန်လုံးကိုကျန်းမာရေးစစ်ဆေးပေးသည်။လူနာ
တွေကုန်သွားတော့ညနေလေးနာရီကျော်နေပြီ။medical tour အဖွဲ့ဝင်တွေကလူသုံးဆယ်နီးပါးရှိသည်။အလုပ်တွေအပြီးသတ်သွားတဲ့အချိန်မှာရေချိုးကြသည်။ထမင်းစားကြသည်။
ညနေခင်းနေအေးချိန်တွင်ဆေးရုံဝင်းထဲကသစ်
ပင်တွေအောက်တွင်အဖွဲ့ဝင်တွေအနားယူနေ
ကြသည်။မှုံကြီးတို့မိန်းကလေးအုပ်စုအနားယူနေရာဆီသို့လူတစ်ယောက်ကလာမေးသည်။
“ဒီမှာခင်ဗျ…ကျောက်တစ်လုံးဆေးရုံကလာတဲ့အဖွဲ့ဝင်တွေထဲမှာဒေါက်တာရှိုင်းနဲ့သူနာပြုဆရာလေးရောင်နီပါသလားဗျ”
ထိုလူကမေးလိုက်တော့မှုံကြီးကရောင်နီ့ကို
လှမ်းကြည့်ပြီး-
“သခွားမွှေးရေဒီမှာနင့်ကိုတွေ့ချင်လို့တဲ့”
ရောင်နီကမှုံကြီးပြတဲ့လူကိုလှမ်းကြည့်မိတော့သူတစ်ခါမှမမြင်ဖူးတဲ့လူစိမ်းတစ်ယောက်။အသက်
ကသုံးဆယ်ကျော်အရွယ်လူလတ်ပိုင်းတစ်ယောက်ဖြစ်နေသည်။ရောင်နီကတော့ဘယ်သူများပါလိမ့်လို့စဉ်းစားမိရုံပါပဲ။ရှိုင်းကတော့ထိုလူ့ကိုအ
ကြည့်စူးစူးတွေနဲ့ကြည့်ရင်းအကဲခတ်နေပြီ။ထိုလူကရောင်နီတို့နားကိုရောက်လာသည်။ ရောင်နီက-
