Hello, Neighbor

CHAPTER 27

Ano kayang mangyayari? mehehehe :3

CHAPTER 27

Nahalikan na ako ni Gabe, nayakap at nahawakan na rin niya ang kamay ko. We cuddled! Kung cuddling man ang naganap na 'yon. Pero biglang parang may kumirot sa puso ko dahil may naalala ako. Naalala ko ang sinabi niya noon. May babae siyang nagugustuhan at hindi ako 'yun.

Tandang-tanda ko pa 'yung gabing nangako siyang ipapakilala niya sa akin kung sino ang babaeng iyon. Yung mahilig din manood ng basketball. Yung babaeng inosente. Yung babaeng kaibigan niya na.

Tinititigan ko si Gabe habang payapa siyang natutulog dito sa cottage. Ang daya niya. Pinaglalaruan ba niya ako? Sobrang easy ko ba dahil nagpapadala ako sa kanya?

"Playboy. Baka di ka pa nakakamove on kay Carol kaya ka ganyan. Baka naghahanap ka lang ng rebound." Bulong ko saka ko siya iniwan. Lamukin sana siya mamaya.

"Miru!" Patakbong lumapit sa akin si Oliver suot ang kanyang mga ngiti. "Sabi na makikita kita, e. Kumusta?"

"Okay naman ako, Oliver." Sinusuportahan ko si Oliver bilang kaibigan pero hindi pa rin pala talaga mawawala ang pagkailang kapag kasama ko siya.

"Hanggang ngayon ba ay iiwasan mo pa rin ako?" Naglakad-lakad kaming dalawa hanggang sa nagpasya na lang akong umupo sa dalampasigan.

"Nanonood nga ako ng mga laro mo, e." Umupo rin ito sa tabi ko. Naka-unat ang mga paa niya at inaabutan na siya ng tubig dagat.

"Pero hindi ka nagpapakita sa'kin. Nagulat talaga ako noong nakita kita sa labas ng unit ko." Humiga siya kaya nakita kong nakangiti ito. Ipinikit din niya ang mga mata niya.

Gusto ko sanang mapag-isa dahil sa naalala ko pero mukhang imposibleng mangyari dahil mukhang hindi naman ako iiwanan ni Oliver.

"Naiilang ka pa rin ba dahil sinabi kong gusto kitang maging girlfriend noon?" Tumango ako bilang sagot. Sikat si Oliver noong high school kami. Senior na siya noong 2nd year pa lang ako. Nakakatakot kaya yung ibang senior na babae noon dahil lagi akong sinasamahan ni Oliver kapag wala si Gelene. "Ang daming nagbago sa'yo. Hindi na mahaba yung buhok mo. Tapos gumanda ka pa lalo." Umiling ako dahil hindi ako makapaniwala sa sinasabi niya. "Napapansin ka na nga rin ng ibang lalaki. Dati ako lang."

"Edi sana napansin na rin ako ni Derek?" Natatawa kong sagot dahilan kung bakit nag-iba ang hitsura niya.

"Siya na naman. Siya na nga ang dahilan kung bakit ayaw mong ligawan kita noon. Siya pa rin ba hanggang ngayon?"

"Hindi na. Naiilang ako sa kanya pero hindi na. Hindi na siya." Nagdrawing ako sa buhangin ng araw at bundok.

"May iba na?" Tumango ako bilang sagot. Nagdrawing pa ako ng puso.

"Gusto ko na siya pero i don't know. Madali pa naman siguro makalimot." I gave him my half smile. Madali pa naman sigurong malimutan si Gabe. Baka na-attach lang ako sa kanya.

"Bakit mo siya kakalimutan? Yung lalaki ba sa kabilang unit?" Ginawa niyang unan niya ang mga kamay niya.

"Paano kung may gusto siyang iba tapos bigla kasi akong umentrada sa picture? Tapos yung babaeng yun nagkataon pang gusto rin niya ang team niyo. Saka anong laban ko doon? Ang sabi niya kinakabahan siya tuwing tinititigan siya nung babae sa mga mata niya. Parang ako lang sa kanya."

"Ang problema kasi sayo, hindi ka nagbibigay ng chance. Iniisip mo kaagad ang iisipin ng iba. You didn't even give me a change before. You turned me down in a blink. Kaya siguro hindi kita nakalimutan."

"Oliver."

"Oo na. Hindi na, iiwasan mo na naman ako, e." Ngumiti ako dahil kahit papaano naman ay naiintindihan niya ako. "I had girlfriends but I broke their hearts... and it's your fault." Sabi ko nga hindi niya ako naiintindihan, e! Tapos nakuha pa nitong tumawa kaya binato ko siya ng buhangin. Wala akong pakialam kung mapuwing pa siya o makain niya 'yon. "Hey you're my first love and you're doing this to me? I'm Oliver Alec Fabian, a star!"