Alkia Kingdom: Beyond the Ranking Quest

Chapter 39: Worries

UNEDITED. TAMAD.

DENISE

It's already passed midnight when we logged out. Narinig ko ang malakas na pagkulo ng sikmura ko dahil sa gutom. Bumuntong-hininga ako nang malalim. Hindi na namin namalayan ang oras dahil sa paglalaro. Inayos ko ang sarili. Nakasuot ako ng maikling cotton shorts at white loose shirt. Mabilis na sinuklay ng mga daliri ko ang buhok ko. Nagmamadaling lumabas ako upang bumili ng pagkain. Natigilan pa ako dahil magkasabay na binuksan namin ni Prius ang mga pinto namin.

My face heated up when he gave me a lazy boyish smile. "Saan ka pupunta?" tanong niya nang tuluyang maisara ang pinto ng silid niya.

"Gusto kong kumain. Ikaw? Saan ka?" sagot ko at pilit na kinakalma ang sarili. I was trying to act normal as possible. We were a couple inside the game but not in the real world. Hindi ako dapat maapektuhan. Pero kahit ano'ng gawin ko alam kong matindi pa rin ang pamumula ng mukha ko. I wondered if he noticed.

"I will eat too and then there are things I have to do," seryosong saad niya. Naglakad na kami patungo sa elevator. Kinabahan ako sa sinabi niya.

"Ano'ng gagawin mo?" takang tanong ko sa kanya. Sana mali ang iniisip ko. He leaned closer and whispered in my ears.

"May kailangan akong kunin sa headquarters. Darren is asking for it. He needs to check the microchip," bulong niya. Tumayo na siya nang tuwid nang bumukas ang elevator. "Sabay na tayong kumain. Ihahatid kita mamaya pagkatapos nating kumain," saad niya.

"Sigurado ka ba sa gagawin mo? Delikado ang binabalak mo. Paano kung mahuli ka?" nag-aalalang tanong ko sa kanya. Ngumiti siya at ginulo ang buhok ko. Sumimangot ako at inalis ang kamay niya. Medyo magulo na nga ang buhok ko tapos mas lalo pa niyang ginulo. Hindi niya ako sinagot at nanahimik lang. Hindi ko tuloy mahulaan ang iniisip niya. Natatakot din ba siya sa gagawin niya?

Pumasok kami sa isang food chain. "Why not ask Siv to get the microchip? Hindi ba nasa loob na siya ng organization? Mas madali siguro kung siya ang kukuha," nag-aalangang suhestiyon ko sa kanya matapos bumili ng pagkain. Umupo kami sa pinakasulok kung saan walang masyadong tao.

"Sinabi ni Darren na huwag kong ipaalam kay Siv," he said and shrugged his shoulder. Naguluhan ako sa sinabi niya.

"Why? Hindi ba si Kuya Darren nga ang may gusto na makapasok si Siv sa headquarters?" kunot-noong tanong ko. Nagsimula na kaming kumain.

"Darren is unpredictable. Sinusunod ko lang kung ano ang sinasabi niya. Tiyak na may mabigat siyang dahilan. Or maybe he wants Siv to focus on some important things that I can't possibly do," he answered. Nag-aalalang tumingin ako kay Prius.