LIKE THOSE MOVIES

Over you

**

SUGARCANE. Nakatitig ako ngayon sa sugarcane na hawak-hawak ko. Ibinigay 'to sakin ni Miro kani-kanina lang. May nagbigay daw kasi sakanya. Aba, dinamay pa 'ko. "Kainin mo kaya!" Napatingin ako ke Miro na nasa harap ko. Pareho kaming nakatambay ngayon sa building 1 at inaantay si Aki na galing sa library. Si Cady naman, ayun, pinadala sa kung saang lupalop ng mundo dahil isa siya sa representative ng debate team. Polsci course nun kaya magaling 'yon sa mga ganon.

Siya kasi, kinakain na niya. "Talagang nagdala ka nito dito sa school, no?"

"Oo, trip ko din, e."

"That's new."

"What new?"

"What you did. Let's admit it, hindi "cool" tignan ang nagdadala ng tubo ang isang katulad mo. Pa-cool ka pa naman." Natawa naman siya sa sinabi ko. Siraulo talaga. Siguro kasi may point naman talaga ako.

"Gago, natural lang sakin ang pagiging cool. I don't even try." Depensa niya sa sarili niya. Joke lang naman 'yon, e.

Hindi na 'ko sumagot. Siya naman kain lang kain at panay, "Tangina, ang hirap naman kainin nito."
"Ugh, ano ba!"

Psh. Tumingin ako sa tubong hawak ko, pinagmasdan ito at bumuntong hininga rin sa huli ng may naisip ako.

"Ang pagkain ng tubo parang pag-ibig lang." Tumingin ako sakanya. Napahinto naman siya sa kakakutkot nun at weirdong tumingin sakin.

"Dapat pag kinakain mo 'yan, magsimula ka sa dulo."

"Huh?" Yung mukha na ipinapakita ni sakin ay 'yong tipong pinagsanib ang nagugulohan at naweirdohan.

"Kasi diba sa dulo, hindi na matamis."

"Oh?"

"Pag nagsimula ka sa tuktok, matamis pa 'yan, pero pag pababa ka na ng pababa, wala ng lasa. Dapat 'di ganyan sa pag-ibig. Dapat, magsimula ka sa dulo, sa wala pang lasa, hanggang sa patamis na ng patamis. Hanggang huli."

"Kita mo 'to?" Sabay taas niya ng tubong hawak niya. "Sarap mo'ng pukpokin nito, eh."

"Totoo naman." I said lamely.

"Sabagay. Kahit corny."

Kaso nasimulan na naming kumain ni Prim, eh. Kumbaga, nagsimula na kami sa matamis na bahahi ng tubo. Kaya sa huli, wala, wala ng lasa.

"Diba tutugtog mamaya sina Cady?"

"Hindi pa mamaya. Next week pa. Nasa Vancouver siya ngayon." Kasama ang debate team niya. Naging over-all kasi sila sa Pilipinas kaya sila ang nag represent ng bansa.

"Ay nga pala, next week pa 'yon, haha. Astig talaga ng tukmol na 'yon, no? Akalain mo magiging representative pa siya, ha."

"Matalino naman talaga yun, hindi lang halata sa mukha kasi parang tambay lang sa kanto." Sabi ko. Which is true. Matalino talaga 'yong si Cady, may iba siyang paniniwala mostly tapos ipaglalaban niya 'yon. Pinapractice-an niya nga minsan si Miro, e. Hahaha. Tsaka, 'yong course niya rin di basta-basta. Maiisipan mo talagang seryoso siya kasi siyempre, maga-abogado.

"Tama ka. Pagmumukha nun ay parang yung mukha sa jeep na mapapa-tago ka nalang ng cellphone mo, e." Datong naman niya. Buti nalang wala dito 'yong si Cady kundi asar-talo na naman 'yon.

Maya-maya lang, dumating ni si Aki. "What do we have here?" Nakatayo siya at nakatingin sa tubo na narito.

"It's sugarcane, bro. 'Wag kang maarte." Sagot sakanya ni Miro. Napailing nalang ako. Kakaibang trip din 'tong kay Miro, e. Bakit kasi nagdala-dala pa ng sugarcane dito.