LIKE THOSE MOVIES

SC - 2

**

"BAKIT nakabusangot ka na naman?" Inilagay ni Kuya Joseph ang kape sa harap ko, sa mesa. Napa-angat ako ng tingin sakanya at napa-upo nang maayos. "Tsk, si Prim kasi."

"As usual, Prim na naman. Kung masaya ka o sobrang energetic, si Prim ang dahilan. Kung malungkot ka o bwisit, si Prim pa rin." Natatawa niyang sinindihan ang sigarilyo na kakabili niya lang. "Gusto mo?"

"Baka pagalitan ako nun."

"Sabagay, buntis pa naman din." Tumango ako. Kaya nga. "Pero nakaka-stress kasi."

"Sige na, isa lang naman. Wala naman sigurong magsasabi rito. Hahaha." Tumango nalang ako at kinuha ang inabot niyang Marlboro. Napailing pa ako at napahinga ng malalim bago sindihan ito.

"Ano ba kasi 'yon?" Umiling nalang ako. "Sus, para kang others! Lahat na nga nasabi mo sakin. Pati kay Boss Ian. Maliban nalang sa detalye ng kalibogan mo."

Hahaha. Mostly kasi ng mga ganap sa bahay na masaya o malungkot, naku-kwento ko. Maliban nalang sa paga-ano namin. Siyempre hindi naman ako ganon, asawa ko 'yon. Hindi ako gaya ng iba. Well, nasasabi ko sakanila minsan kung kailangan ko talaga. Kung nami-miss ko siya. Oo na, ibang klase ng miss. Natatawa nalang sila at tinutulongan akong padaliin minsan ang taping. Minsan pinapauna pa 'ko at yung isang direktor ang nagte-take over which si Ms. Reigne. Matanda siya sakin ng 15 years.

"Nagfamily gathering sila ngayon."

"Oh anong problema roon? Hindi ka nakasama ganon? Sayang pagkain ganon?"

"Hindi! Ang problema ko kasi, may dinala 'yong pinsan niya. Tapos yung taong 'yon nanliligaw sakanya dati."

"Oh ano naman?"

"Anong ano naman? Siyempre nakaka—tangina, ha." Tumawa naman siya agad at inilagay muna ang sigarilyo sa ashtray. "Alam mo, DIREK, dito sa set sobrang authoritive mo. Tapos 'di ba? Nakakagulat lang na para kang tanga. Hahahaha!"

Sinamaan ko siya ng tingin. "Tangina mo, 'Ya."

"Hahaahahaha! Hindi, kasi, ba't ba sobrang seloso mo ha? Buntis na nga 'yong tao. Buntis SAYO. Ayan, para mas dama mo. Sayong-sayo na 'yon, Mav. Kasal na nga kayo, 'di ba?"

"KAHIT NA. Baka mamaya kausap-kausapin pa siya. Tapos tangina basta! Ang hirap i-explain! Basta ayokong may lumalapit sakanya, o chume-check out, o kahit tumingin. Tangina. Sana mabulag lahat ng titingin sa asawa ko."

Naparolyo naman siya ng mata tapos umiling na naman. "Hay nako bebe ko, nakakaloka ka." Tanginang bebe ko 'yan. Okay lang sana kung si Prim 'to, e.

"Tawagan mo nalang kaya. Tutal break naman."

Magandang ideya. Tinawagan ko siya ulit. Kanina kasi, hindi siya sumagot kaya nakabusangot agad ako. Kung 'di ko pa tinext pinsan niya edi hindi ko rin malalaman. Sus.

"Hello?" Sinalubong ako ng malambing niyang..'hello'.

"I miss you."

"Missing you, too. Kamusta?"

"Hindi okay. Nami-miss kita."

Napa'phew' naman si Kuya Joseph kaya napatingin ako sakanya. "Asus, sorry nga pala. Kumakain kasi ako kanina kaya—"

"Hi, Prim. Can I dance..."

Napakunot agad ang noo ko. Teka, ano 'yon? "Hello, Prim?"