EXO: Twelve Princes ✔️

XVIII

I

"Gusto kong maging parte ng kanilang buhay. 'yung tipong sa tuwing maalala nila ako ay mapapangiti sila. Hindi dahil mayroon akong ginawang mabuti sa kanila, kung hindi dahil isa akong kaibigan nila." Napabuntong hininga si Louise matapos itong sumagi sa kanyang isip.

Noong nasa mundo siya ng mga mortal ay nakasanayan niyang pumasok at lumabas ng mag-isa mula sa eskwelahan. Lahat ng tao ay iniiwasan siya sa pag-aakalang hindi siya maaring pagkatiwalaan.

"Napakasama naman niya. Alam naman niyang gusto mo si Kyle pero gano'n pa rin ang pakikitungo niya kay Kyle." Ani ng boses sa loob ng girls comfort room.

Napatigil si Louise sa paglalakad matapos niyang marinig ang kanyang pangalan. Hindi niya alam kung bakit napako ang kanyang paa matapos niyang marinig ang paghikbi ng kanyang kaibigan.

"N-nalaman ko nalang na may g-gusto rin si Kyle sa kanya.." paghagulgol ng boses na naririnig niya sa loob.

"Napakamanhid naman nung babaeng 'yon! Hindi ba niya alam na nakakasakit na siya sa ginagawa niya?"

"Bakit kasi nakikipag-usap pa siya kay Kyle. Baka naman kasi inaakit niya si Kyle!"

"Hindi na dapat natin pinapansin ang mga ganyang klase ng tao. Napakalandi!"

Napatigil siya sa paglalakad matapos niya itong maalala. Sa isang Segundo lang ay nawala ang pagkakaibigang iniingata niya. Hindi niya malaman sa sarili niya kung ano ang ginawa niya para magkagano'n ang galit ng mga kaibigan niya sa kanya.

Siya na mismo ang lumayo sa kanyang mga kaibigan. Kahit ano pa man din ang gawin niya'y doon din pupunta ang lahat. Matapos niyang marinig ang pag-uusap ng kanyang mga kaibigan ay hindi na siya nito pinansin pa. halos dinadaanan na lang siya ng mga ito at tinrato na parang isang hangin sa paligid.

Simula ng makapasok siya sa mundong ito ay nagbago ang kanyang buhay. Muli siyang nakakita ng mga kaibigang tanggap kung ano siya, mga kaibigang handa siyang sagipin sa oras ng pangangailangan, mga kaibigang nagkukwento sa kanya sa tuwing maglalabas sila ng sama ng loob, mga kaibigang handang dumamay sa kanya sa oras ng kalungkutan.

Nariyan sa kanya ang grupo ng Twelve prince kahit mukhang labing isa lang ang malapit sa kanya. nariyan din si Min Ae at Angelu na paminsan-minsan niya lang nakikita.

"Siguro kailangan kong ulit magsanay mamaya kapag libre ang oras ko." Wika niya sa kanyang isipan.

Halos kakatapos niya lang magsanay ng kapangyarihan ni Sehun. Masasabi niyang mayroong pagbabago sa kanya simula nang pag-aralan niya ang kapangyarihan iyon. Para sa kanya, isa lang panaginip ang lahat. Panaginip na nagawa niyang reyalidad. Parang kailan lang simula nang makapasok siya sa mundong ito. Buong pagaakala niya'y isa lang siyang ordinaryong mortal pero bigla na lang niyang malalaman na may ganito siyang kakayahan.

Isang kakayanan na kakaiba sa lahat.

"Louise,"

Kaagad siyang pumihit ng tingin sa kanyang likuran. Dito niya nakita ang binatang si Kai na papaakyat ng hagdan tulad niya. Nakapamulsa ito habang humahakbang papalapit sa kanya. tumigil ito ng ilang hakbang kay Louise. Kaagad na humarap ang dalaga sa kanya ng buong pagtataka.

"Kai?" nagtatakang wika ni Louise.

"Hindi ko alam kung ako ba ang dapat na magsabi nito sa 'yo." Napakamot ang binata dahil sa pag-aalangan. "Gusto ko kasing humingi ng pabor sa 'yo. Alam kong ikaw ang makakatulong hindi lang sa akin kung hindi sa lahat."