I'm not the only one (ToLine)

Chapter-29

Isabel's POV...

Pak!

Isang malutong na sampal ang natanggap ko kay Jus, at pakiramdam ko nga ay nabingi ako ng mga ilang segundo sa lakas ng sampal na yun.

Wala na rin kasi akong nagawa kundi aminin sa kanya ang nagawa kong pakikiapid ko sa iba.

She caught me in the act, kaya wala na rin ang choice kundi sabihin sa kanya ang totoo.

"Fck! Bakit Isabel!? Bakit!?" Gigil na tanong nito.

Parang nalunok ko ang dila ko ngayon dahil walang lumalabas sa bibig ko ni isang salita, yung kaninang gigil ko kay Jan ay biglang naglaho ng parang bula ng mahuli kami ni Jus na naghahalikan.

"Sobrang mahal na mahal ka ni Diana ng Anak mo hindi pa ba sapat yun? Para hindi ka maghanap ng atensyon ng iba!?" Muling tanong nito.

"I--Im sorry.. Hindi ko rin alam Jus, nangyari nalang" Mahinang tugon ko.

Hindi naman ito sumagot at halatang may malalim iniisip. Kaming dalawa lang ang nandito ngayon sa may Garden pinaalis na rin ni Mom si Jan after kaming mahuli, mabuti na nga lang hindi nagfreak out si Jus agad at hinintay niya muna na kami nalang ang maiwan.

"Tell me, yung lalaki mo ba ang ama ng batang dinadala mo?"

Tumango naman ako bilang tugon. Nanlumo naman ang itsura nito sa sagot ko.

"Geez! Nakiapid ka na nga, nagpabuntis ka pa. Isabel nababaliw ka naba!" Hindi makapaniwalang saad nito.

Nanatili lang ulit ako na walang imik.

"Now nagmemake sense na ang lahat..

Lahat ng mga tanong ko kung bakit parang may iba sa inyo ni Diana ito pala ang dahilan..

..Hindi ko kayang itotolerate itong kalokohan mo Isabel, kaya mabuti pa sabihin mo na kay Diana ang totoo, kung hindi ako na mismo ang magsasabi sa kanya na may lalaki ka" Pasyang saad nito.

"Pero Jus...

"So kung hindi pa kita nahuling nakikipaghalikan sa lalaki mo, wala ka pang plano sabihin sa amin yan?" Taas kilay na tanong nito.

"Hindi naman sa ganun Jus.." Depensa ko.

"Ganun na pinapahiwatig mo Isabel, na parang sinasabi mo na handan mong iwan ang mag-Ina mo para sa lalaking yun!" Dagdag pa nito.

Ganun ba talaga ang ginagawa ko?

Handa ba talaga akong iwan si Diana at Ysabelle para sa binubuo naming pamilya ni Jan?

"Bestfriend kita Isabel, at ang tunay na kaibigan hindi itotolerate ang mga ganyang gawain ng kaibigan niya.. Maayos mo pa ang lahat basta hiwalayan mo yung lalaki mo at sabihin ang totoo kay Diana" Payo nito bago nilapag ang isang envelope sa lamesa. Base palang sa itsura nito isa itong wedding invitation.

"Yan talaga ang ipinunta ko dito.. Pero iba pala ang sasalubong sa akin" Dagdag pa ni Jus bago ito tuluyang umalis.

Nanghihina naman akong napaupo sa sahig bago nagsisiunahang bumagsak ang mga luhang kanina ko pa pinipigilan.