QUEER

Chapter 54

Dahil sa kulimlim ng panahon ay nagmistulang mga kwadradong kulay abo ang mga bahay sa Greenwood. Mabilis na pumaibaba si Kyle sa 104th Street. Tahimik ang lugar. Hindi ito isang pook kung saan madalas kang makakakita ng mga tao sa labas ng mga bahay. Luma na ang aspaltong daan. Maging ang maraming bahay ay luma na rin, kaya ang pook ay isa talagang tipikal na suburb sa Amerika.

Walang gate ang bahay nina Dane. Kailangan mo lang dumaan sa gilid ng bakod at mga halaman. Maliit din ang bahay nila kumpara sa ibang kalapit na bahay. At sila lang ang walang kotse rito. Kakatok na sana ang di inaasahang bisita nang bumukas ang pinto.

"Jesus!" laking gulat ni Elaine.

"Elaine..." Awkward para kay Kyle ang pagkikita. Inasahan niyang sasampalin siya ng kaharap.

"Ikaw?"

"Is Dane here?" tanong niya sa pinakamagalang niyang tono.

Halatang galit si Elaine sa kanya. Sumimangot ito habang humuhugot ng malalalim na hininga. Walang anu-ano'y hinila nito ang binatang bisita papasok ng bahay. Sinarado nito ang pinto bago nagsalita. "I think Dane is in trouble."

"He'll be in trouble because I need his help," walang kakurap-kurap na saad ni Kyle.

"What are you talking about?" Lumakas ang boses ng tulirong ginang. "He said that David was in trouble, so he went to his place."

"El, listen to me." Mahigpit na hinawakan ni Kyle ang bisig ni Elaine at taimtim itong tinitigan sa mga mata.

Tumango ang ginang.

"You remember Frank Astor, right?"

"How do you know him?" Lalong sumimangot si Elaine. "Right, you've been observing us for eight years."

"That's wrong."

"How can I trust you?" Tinulak ng byuda ang bisita kaya tumama ang likuran nito sa pinto.

"You don't have to," sagot naman ng binata na nakangiwi habang minamasahe ang likod.

"Ano'ng kinalaman ng hayop na si Frank dito?"

"He is in our facility in Nevada."

"You kept him alive?" Halatang nabigla at nagalit si Elaine.

"Rod needs him to find people like us."

"Sinong Rod?"

"Roderick Siler, director ng International Superhuman Alliance."

"At gusto niyo maging kasapi si Dane kaya niyo siya minamanmanan?" Kinuha niya ang telepono. "I am calling the police."

Nanatili lang si Kyle sa kinatatayuan. Hindi niya pinigilan ang ginang.

Habang nakadikit sa kanyang tenga ang telepono, tinanong nito ang bisita. "Ano, tatayo ka lang ba diyan? Hindi ka ba tatakbo."

"Hindi ako aalis. Kung ipapapulis mo ako, gawin mo."

Binaba ni Elaine ang telepono. "Ano ba ang kailangan mo sa anak ko?"

"Our facility is in trouble." Kinuha ni Kyle ang telepono at pinakita ang pictures sa ale. "Frank did this."

Umiling si Elaine, nakataklob ang kanyang kamay sa bibig. "No."

"Gusto ko ng iwanan itong trabaho ko, pero di kaya ng konsensiya ko kung may mangyaring masama sa daan-daang taong nandito sa pasilidad na ito." Tinukoy niya ang mga nakabulagta sa mga larawang pinakita.

"Ayokong madamay si Dane sa gulong hindi sana mangyayari" -- papalakas ang boses ni Elaine na hindi maitago ang galit na naramdaman -- "kung hindi niyo kinupkop ang halimaw na 'yon!"