5:30 am :
نضت كيما كل يوم شربت قهوة و لبست حوايجي صليت صلاتي
و على 6:30 خرجت مالدار malgré هي طريق تاع 20 min بصح فجزاىر تضرب فيها ساعة ونص نورمال المهم ركبت الكوس لقيت بلاصة ڥيد ريحت و باش تصيحلك بلاصة اعرف بلي نهارك مزهور ...
بعد تمرميدة كحلة فالcirculation
وصلنا على 7:45 هبطت نجري روحت للكولوار تاع la salle لي نقرا فيها غاشي دووود واشنو هذ السكارة بديت ندني فالغاشي و نجوز نجري زدمت فواحد السيد ما غزرتش فيه كامل جيت رايحة نكمل طريقي حتى شدني مساكودو و رجعني ليه
قالي :_ واش تدخلي فالناس و ما تطلبيش السماح
شكون هذا جامي شفتو بصح
ماشي وقتو كامل...
منال :_ نحي يدك !
السيد : نتي قبيحة كون ما نحي....
ماجا يكمل هدرتو عوجتلو يدو حتى طلقني و قلعت نجري للاصال...
دخلت لقيت البروفيسور ديجا كمل المقدمات و حايبدا تاست نورمالمون باش يشوفنا اذا رانا فالمستوى المطلوب جوزناه و جاني ساهل حمد لله ...ابري جاز le cour نورمال كي بقات ربع ساعة قاللنا
البروفيسور: كيما وعدتكم عالدخلة ليوم عندكم كامل فرصة و كل واحد كيفاه استغلها (واش راه يهدر واش من فرصة؟)...المهم مانطولش عليكم هذا هو الدكتور لي جا من الخارج spécialement pour vous ...اتفضل معانا دكتور : عبد الوهاب
هو دخل من و انا يبست بسكو نفس البنادم لي عوجتلو يدو عرفت بلي حكايتي مع الزهر ميأوس منها... درت روحي ما شفتوش.... ديجا يبان صغير وقتاه ولى دكتور هذا !!
اومبعد بدا غير يخرط على مهنة الطب....والمسؤوليات....المهم كي سكت
قالنا لبروفيسور تاعنا بلي صححلنا les tests لي درناهم و حا يشوف شكون ال 3 الاوائل وهوما لي حا يكونو تلاميذ تاع هذ الدكتور عبد الوهاب و حا يكون عندهم حضور يومي فالمستشفى معاه يعني نشوفوه على المباشر كيش يخدم و نتعلمو وهذ العفسة فبلاصت السطاج ...جابوها من الخارج واول مرة حايطبقوها عندنا بسكو هذ الدكتور هو لي اقترحها ...
لاول مرة فحياتي تمنيت مانكونش من الاوائل بسكو مانيش حابة نولي نروح لسبيطار مزال مانيش واجدة ..وزيد هذ البنادم (هذ الدكتور) يولي يعلمني و يحكم فيا ....باين يبدا يغلي ومايسكتش نسيي نبقى بعيدة على المشاكل le maximum
د.عبد الوهاب : لي نعيطلو باسمو يجي لعندي ....
(ربي يستر )
