****:دكتورة عندي الزهر صبتك هنا بلا مانكسر راسي مع ليزاجون
رفدت راسي صبتو هذاك الجان مالريسطورون نورمالمون اسمو صهيب ...بقيت نغزر فيه
صهيب : واقيل نسيتيني ؟ انا صهيب مالريسطورون...
كان د،فؤاد يغزر فينا مافاهم والو
منال :ديزولي تبانلي نسيتك ... بسكو عقلي يمحي لعفايس التافهين ...-_-
ماشي وقتو ڨع بسكو راني مقلقة ڨراف و ماشكيتش حانشد روحي كون يغلط معايا
صهيب : يا **** شحال لسانك طويل... قتلك راني حاب نتعارفو راكي ديريلي هكا!
لتما د. فؤاد وقف وقالو : اعرف واش راك تخرج مالزبل تاعك بسكو تزيد كلمة نباصي عليك...ديجا اطلق راسك...
منال : د. فؤاد الله يسطرك مادخلش روحك انا نعرف نتعامل معاه...
صهيب : اوه صح! شكون نتا صاحبها! ماسمعتهاش قاتلك مادخلش روحك...
حسيت د. فؤاد تقلق وجا زادم فيه
...
دخلت في وسطهم
منال : فؤاد !!
اول مرة نعيط بإسمو هكا تبلوكا وقاعد يغزر فيا ...
درت لصهيب وقتلو : ايا روح منا قبل مانشكي بيك ...
صهيب : تشكي بيا!! *حط يدو فوق كتفي ودنا وجهو لوجهي* هههههه انا لابوليس يخافوني ...
منال *بالتشناف* : و انا مانخافكش... حكمتو من يدو جبتو ليا مليح وضربتو بدماغ لنيفو بدا يتوجع... عوجتلو يدو مور ظهرو وقلبتو للارض طاح بقيت معوجتلو يدو وهو يعيط و يسب...
منال : تزيد... نشوف الفاتشة تاعك هنا... نحيك مالدنيا... وصدقني ماراح نخسر والو... -_-
طلقتو ودرت لقيت د. فؤاد حال فمو مالشوك
جامي شافني نضارب
منال : ايا ندخلو كرهت هنا...
د. فؤاد : مايكون لا خاطرك
دخلنا لسبيطار قالي د. فواد : برافو جامي عرفت بلي تضربي هكا... كل يوم نزيد نتشوكا منك كثر و كثر ...وهذا بروبلام كبير على قلبي...
غزرت فيه بالتشناف سكت يجري فاق لروحو... ولا حمر قالي : اممم... راكي مليحة دك ؟
فالحقيقة كي زدت تقلقت مع صهيب زادتلي الدوخة مي قتلو : راني مليحة...
دفؤاد : ايا حمد لله مي هذا الراجل يبان مافيا نخاف يقاطعلك برا مع صحابو ولا....
منال : ماتكسرش راسك هذا فيه غير الخرطي مايدير والو ولكان يولي نكسرلو رجليه هذ الخطرة باش يشد بلاصتو...
