............................................................
د.عبد الوهاب : تبعيني...
قلبي راه يخبط مي شديت روحي وتبعتو ركبنا فطونوبيل باين هو خلص لعشا... خفت نرفض نركب معاه نزيد نكبر لحالة...
طريق كومبلي وهو ساكت وصلني لدارنا ماهدر والو كان ساكت و انا تان قلبي قريب حبس كنت نسنا طريق كومبلي يهدر حاجة مي ولوا..
المهم لحقنا جيت حانحل الباب غلق لاسوكيريتي ....درت ليه كان محبط راسو ماغزرش فيا... قالي : منال! ....البنادم لي قتيلي تحبيه... انا هو؟
وشنوو قلبي صح حايحبس ليوم فمي يبس ماقدرتش ننطق و هو كي شافني ساكتة غزر فيا مخلوع...
علابالي كون نقوللكم وش درت دكا تسبوني...
ضحكت... بديت نضحك وهو يشوف فيا مافاهم والو وانا الخلعة لي كانت ديرلي هكاك
يسما جامي ضحكتني حاجة دك جاني الضحك!!
د. عبد الوهاب : تضحكي؟ جاوبيني باش نتهنا
منال : و نتا وش رايك مسموح ليا نحبك؟
د. عبد الوهاب : وشكون قالك ماشي مسموح...صح انا استاذك بصح مكاش قانون فهذ العالم مايسمحلكش تحبي وحد والله راني حاب نعرف قلبي راه...
منال : *قاطعتو* مانيش متأكدة من مشاعري ...على هذاك مانحبش نمشي فعفسة مانيش سور منها
د. عبد الوهاب *تبسم لي فوسات بانولو* : منال... يسما عندي فرصة... !! تسمحيلي نعاونك باش تتأكدي من مشاعرك ؟
منال : ...
كنت محبطة راسي راني ميتة بالحشمة مافهمتش كيفاه يقدرو لبنات يريحو مع صحابهم بالسوايع انا ضاق فيا النفس حابا نهرب....
د. عبد الوهاب : الصمت علامة الرضا * تبسم وعوجلي راسو كي طفل صغير* نوعدك تولي تحبيني مي توعديني تصارحيني هذا مكان...
منال : اححم خليني نحبط طولت دك تتقلق ماني
حليت لاسوكيريتي وحدي وجيت حابطة حكمني دورني ليه و..... باسني في خدي....
حسيت الروح خرجت مني... غزرت
فيه مخلوعة قالي : صحيتي كي مديتيلي فرصة وسمحيلي على هذ التصرف نوعدك مانعاودوش مي هذي برك عندي شحال وانا حاب نديرها...
درت وحبطت نجري صحا ماقلتهالوش كي وصلني
طلعت نجري لدار ...لقيت ماني تتفرج تلفيزيون
ماني : وش يالالة تلاقيتي مع سعاد و ماقلتيليش
ايواااه خصرتلي ڨع الڨوسطووو...
منال : علاه من وكتاش يهمك معامن نتلاقا ولا وش اني ندير
ماني : بلعي! منا وجاي مانسحقكش تزيدي تهدري معاها ماتنسايش شكون رباااك
منال : ...
تجاهلتها ودخلت لبيتي غلقت الباب وش نديررر ...دك كيفاه نقدر نشوفو... نقطع وجهي وين باسني بش مايزيدش يعاودها وخلاص....
هاااا ديني وش ندير... راني حابة نولي كيما كنت مانعرف حتى وحد نخرج مالسبيطار وخلاص نكمل فالريسطو ...
وش راني نهدررر علاه نتهرب هكااا و ماعنديش رغبة بش ندخل اي واحد فحياتي..
نعيط لهانية؟
بصح نعرفها ديرلي السمير...
بدلت حوايجي صليت وش فاتني مصلاتي... وجبدت كتاب بديت نقرا... *صوت تلفون*
قفزت... ولييت نخاف من صوت التلفون سبحان الله...
رفدتو لقيتها هانية...
منال : الو...
هانية : الو منالتي الشابة صافا
ترحيب هذا فيه اللوش
منال : حمد لله ونتيا
هانية : راني طووپ... ههههه
منال : سوور علاجال سي جواد
هانية: ههههه لالا ماشي علاجالو... مانقدرش نكون فرحانة هكاك برك؟
منال: ايه يالالة خير ان شاء الله ؟
هانية : والو... حبيت نسقسيك برك اسكو غدوة تخدمي فهذاك الريسطو...
منال : وي نخدم خير علاه تسقسي ؟
هانية : بون عرضني جواد لعشا و قالي نتي خيري بلاصة... على هذاك حبيت نجي ليك بسكو نعرف روحي نتفرفش غير نتي لي تسلكيني هههه
منال : ووعلاش تتفرفشي حايخطبك؟
هانية : ههههه ماعلاباليش مي السيد راه يعيطلي مرتي...
قتلكم الترحيب تعها فيه اللوش
منال : مممم اوكي اوكي غدوة نوجدلكم طابلة ونستكلف بيكم ماتخميش
هانية : مرسييي مرسييي مناللل تعيشييييي *
صوت دفؤاد* : ياطفلة خرجلك جن راكي تعيطي هكاااا
هانية : اخرج من بيتييييييي .....منال انا نخليك غدوة نڨسرو بيان
كوپات...
...يتبع
================================
