رحت للمسؤول تاع قسم حفظ الجثث قالي _:كامل الجثث عرفنا هوياتهم اتفضلي و شوفي كل المعلومات تاعهم بلاك كاشما ينفعوك ...
منال : merci
دخلت لقيت يوسف واقف من اللور وباين بزااف كاره مفهمتش وشبيه من الموقبيل و هو هكا....
رحت لعندو
منال: يوسف ! وشبيك راك مليح؟
يوسف: ا...
ماجا يكملي هدرتو دخلت مرا تعيط و تبكي وجات تجري تسقسي فينا ويراه وليدي ياسين وين راه ؟
يوسف وجهو زاد تبدل ولا كحل قاللها : هاوليك !
كان طفل صغير ميت (الله يرحمو) باين عندو ضربة قوية...بصح ماشي هذا لي كان يديرلو يوسف فالاسعافات الاولية!!
ام ياسين : لالا...وليدي كان حي كي وصلنا لسبيطار ...ماشي هو !!!!!*بالعياط*
تما المسؤول دخل روحو وقاللها madame حرمة الموتى الله يجازيك ماتعيطيش
حبّط راسو يوسف و قاللها: سمحيلي ..
وخرج يجري انا رحت موراه و
هي خليتها دايرة حالة بالبكاء مسكينة تغيد...
حكمت يوسف فالكولوار
قتلو : واشبيك هارب !! ..علابالك بلي هي حاجة ربي كانت مكتبتلو يموت و نتا علاه تطلب السماح ما قتلتوش !!
يوسف : بصح....مات بين يديا بلاك مادرتلوش الاسعافات مليح علابيها ....بلاك كون درتهملو مليح كون راه يلعب دوكا...
منال : يوسف ! الاسعافات هذوك هوما نتا درت لي عليك مي ربي كتبلو يموت كاين عباد يكونو يمشو برا يموتو ...يسما جامي تحصل في روحك اذا بديت من النهار الاول تاعك تخاف هكذا ...كيفاه راك حاب تحقق حلم حياتك و تولي طبيب ناجح... ماشي لبارح فاميلتك احتافلو بيك ؟ وليوم حاب تستسلم !!
يوسف : لالا ما نيش حاب نستسلم بصح...
منال : مكاش بصح! نتا ماقتلتوش هذي حاجة لازم تفهمها
يوسف : يعطيك الصحة منال
منال : بلا مزية روح لعند الدكتور عبد الوهاب راه يحوس عليك ...
يوسف : ok ...
وليت دخلت لهذيك الشمبرا الباردة لقيت هذيك لمرا تهدر مع المسؤول ...بدات تتكالما بصح عينيها تنفخو مالبكاء ربي يصبرها
بديت نحوس فالمعلومات تاع الموتى لقيت مرا وسمها سليمة هي الوحيدة لي مزال ماسينيا عليها حتى واحد من فاميلتها ...بصح ماشي مكتوب عندها بنتها بقى حل وحيد لازم نجيب الطفلة تتاكد بلي ماشي يماها ....بصح مسكينة غير الخلعة كي نجيبها لهنا تكفي...
لازم نزيد نسنا بلاك يجو فاميليتها يحوسو ...
