part 09 ^^

7K 324 59
                                        

غزرت فيه مليح بانلي منو سيريو بلي حا يرفدني...

مالقيت ماندير مشيت للطونوبيل... حل الباب تاع القدام... طلعت وسكت هذي اول مرة فحياتي نركب مع واحد م l'avant غلقلي الباب وطلع هو تان...ديمارا انا دورت وجهي للتاقة و ريحت نغزر برا
مشينا شوية اپري قالي : منال! راكي زعفانة عليا؟..

ماجاوبتوش ....حبس الطونوبيل على غفلة à coté ...حتى قفزت من پلاصتي ...

غزرت فيه مشوكيا قالي : ....م... منال!
صدقيني غير جامي فحياتي غلطت مع كاش واحد ولا ظلمتو كنت دايمن نعامل الناس مليح مافهمتش كيفاه درتلك هكاك...كنت...

*قاطعتو*

منال : ...اديني لدار ولا خليني نركب الكار...

د. عبد الوهاب : تعيشي اسمعيني...علابالي غلطت في حقك وجرحتك بالهدرة... بصح لازم تسامحيني ماكنتش على طبيعتي...*غزر فيا مليح *..ديجا علاه ماقلتيليش بلي ماشي نتي وسييتي قنعتيني...

منال: ياه !!... ياك قتلك ماشي انا... نتا ماخليتنيش ندافع على روحي و كنت تعيط وحدك...

د. عبد الوهاب *غطى وجهو بيديه* : والله غير غلطت... لازم تسمحيلي... انا كي شفتك تشكي فمرض تطلبي ليزاناليز ... تفكرت روحي كي كنت فالخارج كنت هكا كيما نتي...كانو كامل يحبوني و يشكروني... مي فقدت السيطرة على عقلي وبديت نشك في بزاف امراض على خطرة ... و بديت نفقد الاحترافية تاعي و غلطت فتشخيص مرض تع واحد الراجل ...خلصتها غالية... ضربت مدة وانا هكاك حتى جا النهار لي نضت وتخطيت هاذ العقدة ووليت لخدمتي ... ضربت وقت طويل عانيت فيه بزاف باش عاودت كسبت ثقة الاطباء و السبيطار فيا.... خفت تصرالك هكاك... علابيها كنت مقلق هكاك...سمحيلي...

علابيها كان يبانلي ماشي مليح كامل هذ اليامات رجعتلو ذكريات عيانين....

منال *سكت شوية اپري تنهدت * كامل تجوز علينا مرحلة ضعف و ضياع مؤقت برك كل واحد وين تصرالو... كون ما صراتلكش هكا كون ماعرفتش وكتاه دير حدود لنفسك و بلاك كون ماصراتلكش هكا... ماراكش دوك فهاذ المستوى حاجة ماجي في باطل كل حاجة تعلمك...

*طلع راسو مشوكي وغزر فيا *...حسيتو حاب يقول حاجة بصح بلع الهدرة...تبسملي

منال : ...دوك اديني لدار  -_-

د.عبد الوهاب *حل عينيه... أپري بدا يضحك * : ههههههه مزالكي تشنفي هكااا...والله توحشت هذ التشنيفة

توحش التشنيفة!! واقيل السيد مهبول...

ديمارا... مازدناش هدرنا بزاف فالطريق سقساني كيفاه عرفت فؤاد... ماحكيتلوش على قصة الحب بيان سور ...كي وصلنا لحومتي قالي : منال! منا وجاي كي تشكي فحاجة ارواحي قوليلي وحدي و انا نعاونك اوكي؟

قد يعجبك أيضاً

          

منال : اوكي...

وصلني حتى قريب الدار قتلو : خلاص حبطني هنا...

قالي : اوكي ...

حبس الطونوبيل و كي جيت خارجة مدلي پاراپلي تاعو ...وقالي : منال ياك سمحتيلي؟

منال : نخمم... وماكلاه الپاراپلي الدار راهي غير هنا...

د. عبد الوهاب : هههههه... ماسقسيتكش قتلك اديه...

ماشي موقبيل برك طلب السماح مني نورمالمون يڨزبلي اوموان يومين....جيت حانقولو صحة كي وصلني مي دوك والله مايسمعها...
ديت الپراپلي و خرجت...

غزرت فيه شفتو يديرلي باي باي و يطلع فشنايفو باه يعيب عليا كيما كان يديرلي ليامات الاولين ولا لجياحتو.  -_-

... كون ماجاش استاذ تاعي نعطيه لهذاك الوجه بكوتپي الضوء ما يزيدش يشوفو. ... رحت لدار ..وصلت ال 5:45 بسكو ماكاش سوركيلاصيون بزاف..

ستقهويت صليت واش فاتني من صلاتي و رحت نخدم الشغل بسكو صبت الماعن بزاف.... باين جاو ضياف سور خالاتي تلمو كيما موالف... وماني مكاشها باينة راحت مع خالتي حميدة كي العادة ان شاء الله ماتعمرهاش كيما لمرة لي فاتت برك ...

كنت نقرا فكتاب تع قرايتي نراجع شوية دروس نحب ندير ملاحظات باش نسقسي عليهم ...

*صوت تلفون*

رفدت التلفون لقيتها هانية...

منال : الو...

هانية : الو واش منال صافا؟

منال : حمد لله ونتي ؟

هانية : حمد لله ...اليوم راكي معروضة للعشا عندنا فالدار...

منال : اواه... *قاطعتني*

هانية : تعيشي ...حكيت لماما عليك بزاف ، راهي حابة تشوفك اون پلوس وجدتلك واحد العشاااا تاكلي صبعتيك موراه...

(بصح الشتا كيفاه نروح... )

منال :...

هانية : ايا قوليلي باش اذا ايه نجي نديك ابعثيلي لادراس برك انا نديك وانا نردك هههه ارواحي برك مشات؟

على وجه يماها... و ديجا عاونتني بزاف فالضربة تاع ليزاناليز...

منال : اوكي... مشات

هانية : يويويويي اون فان نطقتي اوكي مالا ابعثلي لادراس ووجدي روحك واحد 1h نكون عندك...

وجدت روحي وحبطت للحانوت لي قدام الدار شريت شوية ياغورت والجو.... عاودت طلعت لدار وريحت نسنا فيها... واحد الساعة هكاك صونا تلفون قاتلي اخرجي...
ركبت معاها وديمارينا

منطوية حيث تعيش القصص. اكتشف الآن