حطيتلكم البارت بكري فرحوني بالي ڥوت svp
....
============================
حبست قدامي طونوبيل كحلة ماشي هذي تاع الدكتور عبد الوهاب ؟
حل الكارو و عيطلي مادموزال عبد الكريم !
شفتو كان مع واحد الطبيبة ...
د.عبد الوهاب : كاشما راكي تسناي !؟
منال : لالا راني نسنا فالbus
حلّي la sécurité تاع الباب اللورانيا وقالي : اطلعي نوصلك
منال: لالا يعطيك الصحة
د.عبد الوهاب : ماسقسيتكش قتلك اطلعي
كي كان مع هذيك المرا ماحبيتش نكثر معاه فالهدرة طلعت وسكت ...
د.عبد الوهاب : وين تسكني؟
مديتلو لادراس كي بدا يدخل لحومتي
الطبيبة : ديفوات نتشوكا كي نشوف بلايص كيما هك فالجزاىر سورمون راك كاره كي تعيش فالخارج الله الله اپري جي لهنا باش يتلزم عليك تشوف هذ الزوبيات ...
د.عبد الوهاب : هههه واش حاديري مانقدرش ننكر اصلي ...
منال : حبطني هنا باش نشري دوزان عند الحانوت
.د.عبد الوهاب : ok
حبس حلي الباب كي حبطت غزرت فيه وهو داخل الطونوبيل قتلو : يعطيك الصحة و سمحلي كي ستلزم عليك تشوف هذ الزوبيات باه توصلني ....
وجهو تبدل وحب يقولي حاجة بصح درت و دخلت للحانوت ديراكت...
الطبيية : وشبيها زعمة زعفت!؟
د.عبد الوهاب : لالا ليوم كومپلي وهي تبان مقلقة شوية بلاك زدتلها بلا ما فقت ...خلي ينقصلها الزعاف شوية و غدوة ان شاء الله نطلب منها السماح ...
الطبيبة : ما كنتش علابالي بلي حنين ڨاع هكذا ....
د.عبد الوهاب : هههههه
.....
شريت واش ناكل على العشا بسكو ماكاش لي يطيبلي بيان سور ....
رجعت لدار بعد هذ النهار الطويل فتحت الباب الظلمة سور ماني راهي فدار خالتي حميدة ... مكان حتى واحد كي العادة نريح نشوف فالحيوط هذا هو الكالم لي نحبو اه قصدي لي والفتو ...
كليت وحدي فالطابلة اپري نقيت واش وسخت ،،، صليت صلاتي و دخلت لشمبرتي تكسلت فالفراش
معلاباليش علاه تفكرت الاء و يوسف دوك يكونو مع والديهم و خاوتهم يحتافلو بالنجاح تاعهم.....علاه انا مكاش شكون نبشرو ولا يفرحلي بواش صرالي ليوم !?... بصح والفت بيام ، الباك ...كلش جاز عليا هكا ...
