ماعاودتش درت من جيهتهم كملت خدمتي كي جيت خارجة طاحت عيني على الطابلة لي كانو فيها كانت فارغة ... وليت لدار مورما مدلي مول الشيى لاپاي تاعي غير دخلت مديتها لماني و ماسمعتش واش قاتلي كامل طحت ففراشي ورقدت ...
5:30 am :
فطنت صليت شربت قهوة لبست حوايجي لقيت ماني خلاتلي المصروف فوق الطابلة تاع الكوزينة ...
خرجت مالدار ...وروحت للاري ...ركبت الbus... وصلنا روطار بسكو ليوم الأحد و تتغلق الطريق مع صباح...
مع د.عبد الوهاب راه زعفان هذا وش خصني ...ضربت جرية لسبيطار دخلت ووجدت روحي بالزرب وجريت لقسم الاستعجالات صبتهم ديجا بداو يجو الناس وشنو هذا
الاء : منال!
منال : صباح الخير
يوسف : صباح النور صافا ؟
منال : حمد لله
(وين راه مكاشو !)
د. فؤاد : صباح لخير !
حنا : صباح النور...
الاء : ليوم ماجاش لشمبرتنا د. عبد الوهاب كيما موالف... زعمة ماجاش؟
د. فؤاد : si جا تلاقيت بيه موقبيل... ف..
ماجينا نكملو الهدرة حتى دخلت هذيك المصفارة ضاربة حطة وطابلو ماكياج فوجها يعني كيما موالفة بصح كل يوم تزيد تشمات ...ومعاها د. عبد الوهاب كان يڨسر معاها نورمال ماشي كيما كان لبارح... ديجا واش دخلني فيه يحب يموت يتهارد... اففف...
جاو لينا ...
كاميليا : salut ! صافا
فؤاد : حمد لله ونتوما
كاميليا : صافا...
د.عبد الوهاب : حمد لله
شفت فيه ماغزرش فيا كامل ...حسيتو يتجنب فيا... دورت وجهي طاحت عيني فهذيك المصفارة لقيتها تغزر فيا بالتشناف ...قاتلي : منال ! عندي هدرة معاك...
اواه لازم نربحلها العيب باش تبرد ...كانو كامل يغزرو فينا
منال : واش تسحقي
جبدتني بعيد على الجماعة وقاتلي: من النهار لول لي شفتك بنتيلي متكبرة مي دوك تأكدت بلي ماشي مربية
راهي تحوس نرفد يدي باش نتحاوز ...بصح مزال ماتعرفنيش
منال :....
