منال : خممت مليح و قررت نمد لعلاقتنا فرصة *حشمانة*
د. عبد الوهاب: هههه...علابالك راني حاس روحي نتخايل...
ناض من بلاصتو و جا ليا وقفني و عنقني و كمل هدرتو: منال نحبك فوق وش تقدري تتصوري حمد لله لي مديتيلي فرصة معاك...
طلعت يدي كملت عنقتو
*صوت الطبطيب*
انا نحيت يدي و هو ماطلقنيش...
منال : دكتور راهم يطبطبو.
د. عبد الوهاب : عيطيلي باسمي بش نطلقك
منال :*بقيت نسيي نجبد روحي و هو يعنقني كثر*.: عبد الوهاب!.
طلقني و بدا يضحك قالي : اقعدي دك نجي
راح فتح لباب دخل د. فؤاد ...عندي شحال ماشفتوش...
د. فؤاد: اوه منال صافا؟
منال : حمد لله ونتايا
د. فؤاد: حمد لله...
وهاب يا خو علاه كنت غالق الباب
د. عبد الوهاب : البيرو تاعي، جابلي ربي...
د. فؤاد : ماشي قصدي هكاك. ...
د. عبد الوهاب : ياخو علاه جيت كاشما سحقيت ؟
د. فواد : وي عندي هدرة معاك
انا تما فهمت روحي
منال،: دكتور لازم نروح لدار دك بسكو عييت...
د. عبد الوهاب : اذا حبيتي اسناي شوية هكا نوصلك لدار!
منال : لالا ماكلاه
د. عبد الوهاب : اوكي مالا بالسلامة روحي غير بلعقل...
خرجت من تما وخليتهم غلقو الباب و بداو يهدرو...
فالكولوار تلاقيت بكاميليا رايحة للبيرو تاعو تان...
درت روحي ماشفتهاش و كنت مكملة طريقي
جات تجري خبطتني عل الحيط و قاتلي: كنتي فالبيرو تاعو ؟ اسمعي يالكلبة تزيدي دوري بيه نقتلك عبد الوهاب راه ناويني انا ...
منال :*نحيتلها يدها * تزيدي تحطي يدك عليا صدقيني بربي غير تفطني فالبلوك ...و تبقاي تسقسي كيفاه وصلتي تما...
كاميليا *مشوكيا*
رحت وخليتها واقفة كي السلوڨي..
رحت نحيت طابليتي و وليت لدار.... لحقت على ال4
لقيت ماني مريحة تتفرج تلفزيون مع خالتي حميدة...
خالتي حميدة : جيتي بكري ليوم واقيلا حاوزوك
منال: لالا توحشتك جيت نشوفك
ماني *بالعياط* : اييييه نتي عندك الصرف مانخافش عليك...
