....
••رُحنا كي العادة للاصانصور باش نحبطو لقسم الإستعجالات ...
دخلو معانا زوج يبانو couple و بداو يتمعشقو قدامنا و زيد هي شادة يدو تقول خايفاتو يهرب وكون تهدريلها عليه تقلك يحبني ،تحبك حبة...
منال *تغزر فيهم بالتشناف*
د. عبد الوهاب *يضحك* : ههههه واش غرتي ؟
منال * بتشناف* : وشنوا !؟
يوسف :هههههه
الاء : هههه اهاه يا منال مانعرفكش هكا !
وشبي جدهم هذو.. انا نغير من زوج بهالل كيما هذو؟ ديجا شوفو كيفاه حسبتلهم صح و بداو يزيدو من عندهم...
منال : ما غرت مالوا ...اصلا ما عنديش الوقت لجياحات كيما هذو
كانو كامل مشوكيين دَوْرَت هذيك لمرا عينها 360° (درجة) تقول قرصها حنش وقاتلي : لي ماذاقش لعنب يقول عليه قارص
منال -_- : ادي لعنب تاعك وبخري بيه بالاك يسرحلك نيفك يالنغناغة .. *قاطعني د. عبد الوهاب* : شششش مي نتي صح قبيحة... هههههه
الاء : هههه زعفتي !!؟ رانا نڨسرو برك
تفتحت لاصانصور خرجت ديراكت و خليت هذيك لمرا تغلي و الراجل لي معاها ماكان فاهم فيها والو...
فقسم الإستعجالات :
كنت سابقتهم فالمشية شوية و كان دكتور عبد الوهاب مزالو يضحك عليا و الاء تعيطلي و لا يوسف لحقني و بدا يكالمي فيا...
قاطعنا دكتور فؤاد و الطبيبة كامليا قالونا : كاين اكسيدون كبيرة فبلاصة قريبة مالسبيطار ولازم نروحو نعاونو !!
كانوا موجدين كلش دينا كابات فيهم كامل واش نسحقو للاسعافات الاولية ....خرجنا برا لقينا لي اُومبيلونس معمرين... كانوا يسناو فينا ...ركبت انا و د. فؤاد كيف كيف ، و طبيبة كاميليا مع د. عبد الوهاب فالاومبيلونس لي قدامنا و يوسف مع واحد الطبيب و الاء مع طبيبة كبيرة فالعمر... و فكل اومبيلونس ركبوا معانا 4 فراملة ...
...ديمارينا ...
د. فواد : ياك عجبك العشا لبارح ؟
منال : ايه ! ومرسي كي وصلتني ...
د.فواد *ولا حمر مالحشمة* : ب...لا مزية
وشبي جدو يتلون كون عرفتو يدير هك مانجاوبوش لفراملة دوك يفهمو النقص...
بعد نص ساعة.. :
وصلنا ، كانت الطريق مقطوعة... بسيف باش لحقنا ..كي حبطنا مالاومبيلونس بقينا مشوكيين
مالمنظر لي شفناه... الله يسترنا طاح تونال على الطونوبيلات لي كانو جايزين تحتو ....مجزرة كبيرة..
...
