منال : د عبد الوهاب ؟
د عبد الوهاب *بالعياط* : منال! وشبيكي هبلتي!! كيفاه تدخلي وحدك لهنا علاه ترمي روحك فالريسك ...شكون سمحلك تدخلي... اه اهدري!! علاه غير نتي لي دخلتي هامليك الاء و يوسف يسمعولي نتي برك لي ماتسمعيليش كون كاشما صرالك ماتخميش ؟حابة تموتي!!! ؟
كان يهز في كتافي فور و انا مجروحة من رجلي و راسي و كلش يوجع قلقني نحيتلو يدو و طبعتو فور تمايل قريب طاح
كان يغزر فيا مخلوع
منال: يسما غير انا لي راني فالريسك ؟ و هاذ المرا و البيبي لي معاها ماعجبوكش؟ كون انا درت روطار شوية ومادخلتش كانو هوما تان حا يموتو اذا نرمي روحي فريسك باه نسلك عباد كيما هذو معليش هذي حياتي و انا حرة فيها...
قاطعونا تاع الحماية و تع الاومبيلونس خرجو هذيك المرا مع وليدها ايمن داوهم لسبيطار و بداو يخرجو فالموتى زاد دخل د فواد و يوسف و الاء و طبيبة كاميليا كامل جاو ليا و بداو يسقسو فيا كنت مقلقة بزاف قتلهم راني مليحة و جيت خارجة
كنت خارجة تعكلت بسكو رجلي ماقدرتش نمشي بيها مليح جيت طايحة فالارض شدني يوسف
كانو كامل يغزرو
قعدني فوق واحد الحجرة و فتح الكابة تع الاسعافات عقملي الجرحات كنت نقولو ماكالاه نديرهم وحدي بصح ماكانش يردلي...
قالي رجلك راهي مفعوصة شوية ماتمشيش عليها بزاف غطاهالي و عقملي الجرحة تاع راسي قالي حمد لله حاجة خفيفة كي نولو لسبيطار نديرلك راديو اذا ماعندكش ضربة داخل الراس ...
مالقيت مانقولو بقيت ساكتة...
جا د فؤاد قالي : منال !
منال : وي ؟
د. فواد : راكي مليحة؟
منال : راني مليحة جرحة خفيفة برك
د. فؤاد : حمد لله بصح خلي كي نولو لسبيطار نفحص راسك ياك!
يوسف : دكتور ماتكسرش راسك قتلها كي نولو لسبيطار نديرلها كلش...
فؤاد *شنف* : انا الطبيب هنا
منال : صحيتو بصح مانيش طفلة صغيرة باه ديرولي نتوما راديو ولا تربطولي راسي نديرهم وحدي ...
نضت و بديت نمشي بلعقل حتى خرجت من تما ...
طلعت فاومبيلونس كانت فارغة بسكو كاين لي راحو داو الجرحى وولاو... غير ريحت فيها ...طلع واحد و غلق الباب... طلعت راسي لقيت د. عبد الوهاب عند راسي
منال : دكتور؟
د. عبد الوهاب:*بالتشناف* خونا (لي يسوق الاومبيلونس) ديماري لسبيطار الله يسطرك !!
