••• تكسلت فالارض قدامو و هو يغزر فيا مشوكي
منال : دكتور... ليوم.. غلطت معاك... ماكانش قصدي نديرلك هكاك.. احم.. س... محلي
فهذيك الدقيقة ...تبسملي و دار ليا بجنب و حط يدو تحت خدو و قاعد يغزر فيا و لي فوسات كانو يبانوا وعينيه يبرقوا ...
حسيت قلبي تزير مافهمتش منين حكمتني الشجاعة هذي و تكسلت قدامو... مي كنت خايفة نخسرو علابيها...
و كي فقت لروحي راني مكسلة قدامو وهذا تصرف غبي مني... جيت نايضة حكمني و ردني للارض و قالي : مزال مارديتلكش اذا سامحتك ولا لالا وين رايحة؟
جيت نطلب السماح عشيت حاصلة هنا...
منال : المهم انا طلبت السماح...
د. عبد الوهاب : ههههه... مممم.... منال موقبيل كي مسيو رؤوف قالك نخطبك علاه سكتي ماقلتي والو عجبك الحال! ؟
منال : وعلاش نتا وش دخلك إذا عجبني الحال ولا لالا ؟
د. عبد الوهاب : دخلني ! مانسحقكش تبعديني عليك ..وكي شفتك جيتي تطلبي السماح درك عرفت بلي محال نقدر نخليك تروحي ما بين يديا...
وليت حمرة ... وقفت... وقف مورايا و عنقني حسيت قلبي قريب يخرج من بلاصتو....
قالي : منال جامي فحياتي صارحت طفلة بمشاعري وتقدري تقولي اول مرة نحس بهذ المشاعر و زيد حاجة راهي في عقلي تقولي كون مانصارحكش دك نخسرك حياتي ڨع...
منال : ....واش حاب تقول؟
د. عبد الوهاب :... حاب نقول نحبك...
قلبي تزير حسيت النفس ضاق فيا وهو معنقني دورني ليه و طلعلي وجهي بيديه حتى طاحو عينيا في عينيه ... كانو عينيه يبرقو بان حشمان بزاف باين ماشي تع تحراش... و انا مانحكيش على السخانة لي كانت تطلعلي وجهي حسيتو يغلي...
د.عبد الوهاب : ونتيا كاشما تحسي من جيهتي ؟
.
كيما هو قالي راني حاس كون مانصارحكش دك نخسرك حسيت بيها انا تان و حسيت الخلعة تمشيلي فالدم.. خفت نخسرو... جامي فحياتي حسيت احساس كيما هذا من جيهة اي انسان راني حابة نمدلو و نمد لنفسي تان فرصة.. بالاك نقدر نولي طفلة عادية ونتغلب على هذ الكآبة لي طغات عليا...
منال : *تتعلثم* ...انا تان نحب كي نكون معك و نحب نشوفك ....(وش راني نهدررر!!)... بصح مانيش واجدة ندخل في علاقة جادة مع كاش انسان حتى و لو نكون نحبو.
د. عبد الوهاب : حب يقول تحبيني ؟
منال *ولات حمرة* : ماقلتش نحبك...
جبدت روحي وكملت قتلو : خلاص خلينا نروحو تكون résultats تع سي رووف خرجت
د. عبد الوهاب : اصبري ...ماتتهربيش جاوبيني
