وصلنا شوية بكري طلعت معاها للابو فتحتها و لبست طابليتها ريحنا شوية كيف كيف أپري لحق لوقت جيت خارجة قاتلي هانية : ماتنسايش واش قتلك البارح *تغمز*
منال : بركايناااا مادراما....
خرجت حبطت لشومبرا لقيت الاء ويوسف دايرين تشقلالة لداخل...
الاء : اه مناال!! ختيتو راكي مليحة مالبارح!!
منال : وي ريحت مرسي
يوسف : ايا بيان مالا ليوم جي معانا؟
منال: وين؟
يوسف : حانروحو عشية لافاك طلبنا الاذن مالدكتور عبد الوهاب...وقالنا ايه..
منال : ماعلاباليش لازم انا تان نسقسيه...
يوسف : هههه نقنعوه ماتخافيش بسكو جابو كتابات جدد... ومنها نريحو شوية نخمو فحكاية السي محمد
منال: علاه ماخرجتش الريزولطا ؟
الاء: سي خرجت تمتم مي البروبلام ماقدرناش نحددو المرض ...
منال : كيفاه!
يوسف : شوفي c. B. C (عد الدم الكامل) : ناقص حاب يقول les plaquettes و les globules rouges, g, blancs هيموڨلوبين... كامل ناقصين فالدم... و الAna خرجلنا + ...حاب يقول عندو مشكل فالمناعة ....و creatinine تان طالع حاب يقول مشكل فالكلية و طلبنا اشعة لصدرو كيف كيف صبناه مريض... ووصينا لفارملية تزيد ديرلو تع البول باش نشوفو حالة الكليتين تاوعو ملييح ...بسكو عندو بزاف لي بروبلام...
منال : و قلبو فحصتوه؟ بسكو الام فالصدر تقدر تكون ماالقلب تان....
يوسف : وي بيان سور ليوم يجوز يدير Electrocardiogram لقلبو.... ونشوفو
منال : ... كاپابل يكونو عندو بزاف les maladies على خطرة ولا مرض راه y'attaquer فالأعضاء الحيويةتاع الcorps تاعو وهذي حاجة لازملها تدخل فوري... نقدرو نسموه بالموت البطيء....
الاء : بصح وشمن مرض يدير هكا جامي سمعت بيه....
يوسف : خلي نشوفو لي ريزولطا كامل و نقولو ل
د. عبد الوهاب يعاونا....
منال : وي
د. عبد الوهاب : واش تقولولي
درنا بين ثلاثة للباب كان متكي على الباب و يتبسم
يوسف : ههههه والو باش نسقسوك على حالة محمد مي مزال ماخرجتش الريزولطا كامل ...
د. عبد الوهاب : اوكي كي تخرج ارواحو لعندي
الاء : اوكي دكتور *تتبسم*
جينا خارجين بالواحد و د. عبد الوهاب واقف عند الباب كي قريب نجوز عليه دارلي رجلو فالطريق وانا مزية شفتو... عفست عليها فور وجزت خليتو يتلوى
