بون داوها لسبيطار وجماعتها تان راحو معاها...
كملت خدمتي كانت الظلمة برا مي ماكاش لخوف بسكو نروحو grp تع نسا كيف كيف كاين لي يسكنو في حومتي...
كي خرجنا كان واحد برا بالموطو... بدا يعيط : دكتورة معليه نهدر معاك؟
دكتورة!! شكون هذا تان...
جا ليا... (الجان لي كان مع الجماعة تع سهيلة لي قالي مديلي نوميرو)
منال : واش تحب؟
جان : وسمني صهيب و راني حاب نتعرفو على بعضانا مليح... و.. سمحيلي على موقبيل...
انا الناس لي نعرفهم مانيش حاملتهم نزيد نتعرف عليك...
..
منال : سماح... بصح ماني حابة نتعرف على حتى واحد... دوك سمحلي نروح...
جيت رايحة *حكمني من يدي*
صهيب : شفت السبيطار لي تخدمي فيه نولي نجي ليك حتى تقبلي بيا
منال : كي جي سلملي على لي زاجون
نحيتلو يدو و رحت مع النسا
...
كانو يغزرو فينا ان شاء الله ما يفهموهاش عفسة عيانة...
...............''''..................'''.....................''...
غدوة ميينداك
نضت بكري كي العادة صليت ستقهويت و ديماريت....
لحقت تما على ال 7:45 ...الاء و يوسف مزال ماجاوش... لبست طابليتي فلاشومبر تاعنا ... فتحت الباب باش نخرج لقيت د. عبد الوهاب عند راسي...
د. عبد الوهاب *يتبسم* : بونجوغ
منال : بونجوغ
د. عبد الوهاب : رجلك كيفاه راهي ...
منال : سي بون برات...
د. عبد الوهاب : ممم اوكي حمد لله و الجرحة تع راسك ؟
منال : برات...
واش بيه يسقسي فيا هكا شغول صح يهمو الامر -_-
د. عبد الوهاب :ايا بيان...*يتبسم* حبيت نفهم علاه دايمن مشنفة !!
منال : وجهي جاي هكا..
د. عبد الوهاب :*يضحك* : ههههه ماتتقلقيش مادامك تحت يدي نرجعك تضحكي بسيف عليك
منال : و زعمة نتا فاش حاتستفاد كي انا نضحك ولا لالا! ؟...
د. عبد الوهاب *حكمني من نيفي وبدا يعوج فيه*
عوجتلو يدو و دنيتو
منال *مقلقة* : ااااااه.... جامي شفت نيف ياسبحان الله.؟
..
د. عبد الوهاب * شنف باه يعيب عليا*
