- Elbasan! Hajde Elbasan! Hajde! Autobusi i fundit. S'ka më. Edhe dy vende kanë mbetur. Oburra nxitoni! Edhe pak e do të nisemi. Hajde, hajde! - bënte me duar e me këmbë në pisk të vapës shoferi tullac.
- Po nxito o Adi, kape se na iku!
- Po atë po bëj moj grua, nuk e sheh?
- Po hë, jepu këmbëve ti! Më shpejt!
- Po ç'tu jap më unë i shkreti, kaq fuqi kam. Të thyej turinjtë thua, apo të më pushojë zemra në mes të rrugës?
- Mos e dhëntë Zoti atë punë, Adi! Si ta nxë goja njëherë? Po mirë, zë ke ti? Thërriti pra!
- O shofer, o shofer! - filloi të thërriste ai.
- Më fort o Adi, bërtit më fort!
- O shofer, o shofer! - e ngriti më shumë volumin.
- O TULLËË! - ulëriti duke lëvizur duart lart Fatma, që ta dallonte.
Adi e pa çuditshëm.
- Je në vete, grua? Po sikur të të kthehet keq ai? U bëmë gazi i botës pastaj.
- Urdhëroni, zonjë! - gjithë respekt hapi derën e autobusit shoferi.
- Ja, tani më thuaj ti, jam a s'jam në vete! E shikon si bëhen punët burrë? Tak-fak, jo mëk-mëk si miza në qyp! - u ulën tek serdiljet e rreshtit të tretë.
- Uuu Fatma! Po ti moj? - ktheu kokën gruaja e rreshtit të dytë.
- Bobo, edhe këtu na doli para kjo grua? - tha Adi me bezdi.
- Fakire? Po ti këtu? - e pa vëngër Fatma.
- Po ja, thashë të shkoja për vizitë nga motra. Ti e di që është martuar në Elbasan ajo, ta kam thënë. Po ti çne, s'ke as të afërm. Apo... ndonjë yshtare? - i luajti syrin.
- Yshtare?! E pse të shkoj tek yshtarja unë? Shyqyr Zotit jemi mirë të gjithë, me këmbë e me duar, mendja në vend...
- Po ja, lajmi ka marrë dhenë, sikur Loni...
- Loni çfarë?
- Po ja, sikur kanë dalë ca llafe, le që besoj i ke dëgjuar vetë ti!
- U m'i marrshin të keqen Lonit! Flasin kot, nga inati, se më kanë ardhur plot 40 baballarë te dera e shtëpisë mua. 'E dua dhëndër, si yt bir s'ka', Loni këtu e Loni atje. S'ma ndajnë nga goja një sekondë, ngeli me lemzë i shkreti, s'i gjej dot kurë. Epo tashi... s'e japim te dosido djalin ne. E dua nuse për së mbari unë, me namus, të më nderojë shtëpinë. Krushkun e dua me biografi të mirë, me pozitë dhe jo langaraq!
- Ah moj Fatmë, ah! Ti mirë e ke, s'them se e ke keq, po ç'ti bësh Perëndisë thuaj, kështu ishte e shkruar! - ngre sytë lart ajo. - Eh, mjerë kur të bie për pjesë!
- E ç'do të thuash me këtë ti? Adi, kuptove gjë?
Ai ngriti supet.
- Po ja, pak nga llafet e dynjasë e pak nga ato ç'më dëgjojnë veshët e shohin vetë sytë... sikur Loni... s'është burrë.
- Si ishte kjo? Si the? Pa thuaje edhe njëherë!
- Loni s'është burrë! - ngriti zërin ajo.
- U kurvë e qenit! - përplasi serdiljen fort me grusht Fatma, saqë e trembi tjetrën. - Po pse moj Faku, ia paske provuar ti a çupat e tua që flet me fakt të kryer ti? Ptu, turp të të vijë zarbë e dreqit! Nga të tjerët e prisja unë, po nga ty që të kam komshie... Kot nuk thonë, 'i afërti ta fut sa krahu'. U mos e pafsh një ditë të bardhë moj, mos e pafsh! Nepërkë e keqe paske qenë, nga ato me shtatë koka! Turp të të vijë që merresh me llafe koti, moj xerxebile e m*tit!
![](https://img.wattpad.com/cover/194410658-288-k878101.jpg)
BẠN ĐANG ĐỌC
Nuse për djalin tonë
Hài hướcFatma dhe Adan Gashi janë prindër të dëshpëruar. Halli i ka zënë me Marlonin, djalin e tyre të vetëm, që u ka "ngelur" në derë. E rëndë është për Fatmën të dëgjojë fjalët e njerëzve për të birin. A do ia dalë ajo t'i hedhë poshtë ato fjalë? ~ Krijim...