H Y U N G

Part 21

Unicode

ပို့ထား​သောစာသည်​ရိုးရှင်း၏။
စကားလုံးတစ်​လုံးတည်းဖြစ်​ပါ​သော်​ငြား baekhyun၏ စိတ်​အစဉ်​ကို မင်​သက်​ကာ​တွေ​ဝေ​စေသည်​။ ရင်​ဘတ်​မှ နှလုံးခုန်​သံသည်​တဒုန်းဒုန်းဖြင့်​ဦး​နှောက်​သွေး​ကြောများထဲရှိ​သွေးများ​စောင့်​တက်​စေသည်​အထိ။

ဖုန်းကိုကိုင်​ထား​သောလက်​သည်​ပင်​အ​ကြော​သေ​နေသည့်​အလား..။

သူမည်​ကဲ့သို့ စာပြန်​သင့်​သနည်း..။

ထိုအချိန်​တွင်​ပင်​လက်​ထဲမှဖုန်း၏ တဒီးဒီးမြည်​သံကြောင့် baekhyun လန့်​ဖျတ်​ကာ ဖုန်းကိုလွှတ်​ချလိုက်​မိသည်​။

စာ​နောက်​တစ်​စောင်​...။

ရင်​တုန်​လိုက်​ဖို့ပင်​အချိန်​မရ.. မျက်​စိ​ရှေ့တွင်​တိန်​ဟူ​သောအသံနှင့်​အတူ ရိုးရှင်း​သော စာ​လေးတစ်​ကြောင်း​ပေါ်လာသည်​။

​hyung... အိပ်​ပြီလား...?

အိပ်​ပြီလား.. ဟူ​သော အ​မေးအရ.. chanyeol ခုထိမအိပ်​သေးသည်​မှာ​သေချာလှသည်​။

ဖုန်း၏ noti bar ကိုကြည့်​လိုက်​တော့ ၁၁ နာရီပင်​ခွဲလုနီးပါးဖြစ်​နေပြီ..။
ဒီ​ကောင်​လေးက ခုထိမအိပ်​သေးဘူးတဲ့လား။
မနက်​ဖြန်​ဆိုလျှင်​ကျောင်းဖွင့်​ရက်​...။
အိပ်​ရေးမဝလျှင်​စာမကျက်​နိုင်​ကြောင်း ဂိုက်​လုပ်​ပေးစဉ်​က​တောက်လျောက်​သတိ​ပေးထားသည့်​ကြားမှ ခုထိမအိပ်​သေးတာတဲ့လား...။

ည ၁၁နာရီခွဲ။

ဒေါသထွက်ကာ chanyeolအား ဆူပူရန်​ဖုန်းအားချက်ချင်းကောက်ကိုင်ကာ စာတစ်​ကြောင်းပြန်​ရိုက်​လိုက်​သည်​။

မင်းခုထိမအိပ်​သေးဘဲ ဘာလုပ်​နေတာလဲ...

​ရေးပြီးကာမှ သူ chanyeol နှင့် အဆက်အသွယ်ပျက်နေသည်​ကိုသတိရကာ အကုန်​delete နှိပ်​လိုက်​ပြန်သည်​။
ထို့​နောက်​နာရီကိုထပ်​ကြည့်​မိသည်​။

သူစာပြန်​ချင်​စိတ်​ပင်​မရှိ​တော့..
မည်ကဲ့သို့လုပ်ရမှန်းလဲမသိတော့၍ ဖုန်းအားပစ်ချကာ စောင်ကိုခေါင်းထိဆွဲခြုံလျက် အိပ်ပျော်စေရန်ကြိုးစားမိသည်။