Unicode
ကားပေါ်တက်သည့်အချိန်တွင် Baekhyun နှုတ်ခမ်းတစ်ခုလုံး ဖူးယောင်ကာထုံကျဥ်နေပြီဖြစ်သော်ငြား chanyeol သည်ကား ခုဏလေးတင်မှ စိတ်ဆိုးစိတ်ကောက်နေသည့် မျက်နှာပေးနှင့် ကွဲလွဲစွာပင် သွားကြီးတဖြီးဖြီးနှင့် မြင်မကောင်း။ ဤကြားထဲ ထိုင်ခုံခါးပက်ပတ်နေရင်း မပြီးနိုင်မစီးနိုင် ဆက်ရန်ရှိနေသေးသည်မို့ အတင်းအကျပ် တွန်းထုတ်လိုက်ရသေးသည်။ ယခုလည်း ကားမောင်းသူနေရာတွင် ဝင်ထိုင်သည်အထိ မျက်နှာပိုးမသေသေး။ baekhyun နှုတ်ခမ်းစူပုတ်နေသည်ဟုထင်ရသော်ငြား chanyeol ဒဏ်ကြောင့် ဖူးယောင်နေခြင်းသာ။ မျက်မှောင်အဆုံးစွန်ထိ အတင်းကြုတ်ထားသော်ငြား နားရွက်တွေပါးတွေ နီရဲနေသည်ကိုတော့ ဖုံးကွယ်၍မရ။
"hyung အိမ်ကိုလိုက်ပို့ပေးရမှာလား ကျွန်တော့်အိမ်ဘဲလိုက်ပို့ပေးရမှာလား.."
ပြုံးပျော်စွာမေးလာသော chanyeol စကားကြောင့် baekhyun စဥ်းစားမိသွားသည်။ ဒီနေ့ပိတ်ရက်ပေမို့ မားဆိုင်ဖွင့်လောက်မည်မဟုတ်။ baekhyun ကိုအလွယ်တကူ ထွက်သွားခွင့်ပေးလိုက်ကတည်းက ဆေးရုံတွင်သာ မားတစ်နေကုန်ရှိမည့်ပုံပင်။
"ငါဒီနေ့အားတယ်..."
ပြောလိုက်သော်ငြား ခပ်တိုးတိုး။ chanyeol ပို၍ပင် ပြုံးပြုံးပျော်ပျော်ဖြစ်သွားသည်ကို မျက်စိထောင့်ကမြင်လိုက်ရသည်။
"ဒါဆိုကျွန်တော့်အိမ်ဘဲ သွားကြတာပေါ့!"
Baekhyun သက်ပြင်းခပ်တိုးတိုး ချလိုက်မိပြီးမှ ရုတ်တရက် သတိတရမေးလိုက်သည်။
"မား..... ဘာတွေပြောလိုက်တာလဲ.."
chanyeol ခါးပတ်ပတ်နေရင်း တစ်ချက်လှည့်ကြည့်၏။ baekhyun ထိုကိစ္စနှင့်ပတ်သက်၍ အနည်းငယ်စိုးရိမ်မိသော်ငြား chanyeol မျက်နှာအမူအရာ ကြည်လင်နေ၍ စိတ်အေးသက်ပြင်းတော့ ချမိသည်။
"ဘာမှထွေထွေထူးထူးမဟုတ်ပါဘူး.."
အပြောအတိုင်း ဘာမျှမဟုတ်သည့်အလား ကားစက်နှိုးနေသော chanyeol ကြောင့် baekhyun မျက်မှောင်ပိုကြုတ်သွားသည်။ ထွေထွေထူးထူးမဟုတ်ဘဲ မားကစကားခေါ်ပြောမည်တဲ့လား။
YOU ARE READING
H Y U N G
Fanfictionငယ္ငယ္ကတည္းက hyung လို႔ေခၚကာ အျမဲေနာက္ကတေကာက္ေကာက္ လိုက္ေနခဲ့တဲ့ ေကာင္ေလးက ႀကီးတဲ့ထိ မေျပာင္းလဲခဲ့~ ငယ်ငယ်ကတည်းက hyung လို့ခေါ်ကာ အမြဲနောက်ကတကောက်ကောက် လိုက်နေခဲ့တဲ့ ကောင်လေးက ကြီးတဲ့ထိ မပြောင်းလဲခဲ့~ Written by aHMUE. [Zawgyi + Unicode] This cove...
