القطعة العاشرة
========
_ملهاش حل تاني يا داليا ...لازم أتقدم وأخطبك عشان نقطع لسان أي حد !
هتف بها هيثم على الهاتف ليتحول فيض دموعها المقهورة لشراسة عنيدة مع هتافها:
_انت بتقول إيه ؟! حتى انت يا هيثم هتستغل الفرصة عشان تدبسني؟!
_أدبسك؟!
هتف بها باستنكار ليردف بغضب لم تره فيه قبلاً:
_هو ده إحساسك للي بيننا يا داليا؟! هو ده ردك على حبي ليكِ طول السنين دي؟!
_يووووه...مش وقت عواطف يا هيثم!!
صرخت بها بنفاد صبر وهي تشعر بأنها محاصرة بين قضبان غير مرئية ...
قلبها يخبرها أن الموقف الذي رأته فيه زوجة ياسر لن يمر مرور الكرام ...
قد ينتهي بفضيحة تضيع مستقبلها كله !
تباً...تباً ...تباً!!!!
أي غباء هذا الذي تلبسها كي تقدم على فعلة كهذه؟!
إنها لم تفكر حتى في فعل هذا يوماً ولا حتى في أقصى أحلامها تجاوزاً !!
تعانقه هكذا فجأة دون مقدمات ؟!
وفي الجامعة؟!
يبدو أنها فقدت عقلها حقاً!!
_صح...مش وقت عواطف...وقت قرار يا داليا.
قالها هيثم أخيراً بنبرة حملت كل غضبه وقلقه ويأسه ...ليردف بعد صمت قصير:
_اسمعي بقا آخر كلام عندي ...يا اما توافقي على خطوبتنا يا اما تنسيني خالص!
اتسعت عيناها بخوف حقيقي وهي تشعر بأنه يعني ما يقول حقاً هذه المرة ...
لتغمغم بصوت مختنق:
_كده يا هيثم؟! هتسيبني وأنت أقرب صاحب ليا؟!
_أنا مش صاحبك يا داليا...أنا بحبك ...وماعدتش قادر أستحمل جنانك أكتر من كده !
صرخ بها بجنون جعلها تدرك أنه قد فقد السيطرة على نفسه مثلها فصمتت تحاول تمالك شتات روحها لتقول بنبرة مشتتة:
_افهمني يا هيثم...أنا...
_انتِ أنانية...مش عايزة تشوفي غير نفسك وبس...عايزة تبقي مركز الكون والكل يلفوا حواليكي...ليه تكتفي بي لوحدي لما ممكن يبقى حواليكِ كل يوم عاشق جديد ...عايشة دور الضحية المنبوذة ومستنية الكل يطبطب عليكِ ويحسسك إنك ملكة ...واللي زيك لو مافاقش هيقع على جدور رقبته !
كان يلهث في عبارته الأخيرة وصوت صراخه الهادر يكاد يصم أذنيها ...
فانسابت دموعها على وجهها بضعف لم يتفق وعبارتها القوية بعدها:
YOU ARE READING
سينابون .. ج 1 .. ج 2 .. للكاتبة نرمين نحمد الله
Romanceجميع الحقوق محفوظة للكاتبة سينابون ... =========== ليس الحب أن ترجح كفتي في الميزان... الحب أن أكون أنا الميزان! ليس الحب أن يوافق شخصي مزاجك... الحب أن أكون أنا "مزاجك"! ليس الحب أن "تلمس" كفي، "تشم" عطري،"تسمع"صوتي،"تتذوق" أنوثتي،"ترى"فتنتي... بل...
