🔥Hell University🔥
Chapter 11: Past Newbies
Zein's Point of View
Nakasunod kami kay Supremo na banayad lang na naglalakad. Nasagilid ko ang lalaking nanginginig pa rin hanggang ngayon, kasama rin namin sina Onel at Fritzy na hindi rin kumikibo.
Kung tutuosin ay maliit na bagay lamang para sa atin ang matapunan ng juice, I mean magagalit tayo pero hindi naman hahantong sa ganito. Hindi ko pa nakikita ang Dark Hell Jail o DHJ pero hindi ko pinapangarap na mapasok doon. I am sure na kamatayan ang hatid noon sa kahit na sino.
"Ayoko pang mamatay..." Ang paulit-ulit na katagang lumabas sa bibig ng lalaking katabi ko na si Ferry, ayon sa sinabi nga kanina.
Nakaramdam ako ng awa pero hindi ko kayang magsalita at sumalungat kay Ace. Hindi ngayon na nag-aapoy sya sa galit. Nakita ko na naman ang demonyong nagkakubli sa kanya. Nakakakilabot.
Habang palayo nang palayo ang nilalakaran namin ay palayo kami ng palayo sa HU, I mean is parang likod ito ng HU. Mga nagtataasang puno lang ang narito at mga talahib. Mabuti na lang at tanghali pa lang kaya hindi mahirap lakarin.
"Ayoko pang mamatay..." Muling sambit nito sa sarili na halatang kahit na anong oras ay iiyak na.
Tumingin ako kay Onel na kanina pa buntong ng buntong-hininga.
"Once he said it, no more question. That's who Ace Craige is." Sambit ni Onel.
"Kung ako sa'yo Zein, bitawan mo na ang pwesto. Hindi mo gugustuhing makita ang buong demonyo na nakakubli sa loob nya." Pananakot ni Fritzy na nakangisi.
"I am not scared." Matigas kong sambit na mahinang ikinatawa nya.
"Really? Pero ako, oo. Nakita ko na minsan kung paano sya magalit. Silent but deadly." bulong nitong muli na hindi ko na pinansin.
Yes. Alam ko na hindi ko pa nakikita ang buong Ace at inaamin kong nakakaramdam din ako ng takot sa kanya. He is the President of this Hell for pete's sake. He is a devil with an evil mind.
Huminto kami sa nag-iisang kulungan sa gitna ng parang gubat na ito.
Sementado ang kabuuan nito. Tanging nag-iisang pinto lang ang meron ito at malakas na klase ng bakal ito na hindi basta-basta nasisira. Wala akong makitang kahit na ano sa loob dahil madilim. Ano kayang meron sa loob nito? Kamatayan.
May kinuha si Ace sa kanyang bulsa. Isang susi, ang susi ng DHJ. Binuksan nya ito at masangsang na amoy ang nasingot namin na ikinaatras namin ni Onel at Fritzy.
Ang bakal na pinto ay may bahid ng mga natuyong dugo. Shit! Anong kaparusahan ito?
"Don't let me to push you inside." Walang emosyon na sambit ni Ace na seryosong nakatingin sa lalaking tahimik na lang at parang tanggap na ang katapusan nya.
Kinilabutan kami nang lumawak ang ngisi sa labi ng lalaking mahinang tumatawa na ngayon.
"Kilala kita Supremo. Alam ko ang sikreto mo."
Unti-unting ngumisi rin si Ace na ngayon ay lumapit na sa lalaki.
"I know. Kaya nga kita dinala rito eh. Alam ko rin ang sikreto mo." sagot ni Ace na ikinakunot ng noo ng lalaki.
Anong sikreto ang sinasabi nila? May mga sikreto pa bang nakakubli?
"P-Paano mo nalaman?" Tanong nito.
"Hindi ako ganon kababaw para lang sa natapon na juice ay parusahan ka ng ganito. Alam ko ang ginawa mo, ikaw ang pumatay kay Grace." Sagot ni Ace. "Alam mong hindi ito magugustuhan ni Jane kapag sinabi ko ito sa kanya."
"Si Grace ang babaeng nasaksihan mong pinatay Zein."
Lumunok ako nang mapagtanto ang sinabi ni Onel. Sya ang gumawa non? Isa ba syang myembro ng BBG?
"Huwag please." Lumuhod ito sa harap ni Ace na ikinatawa nito.
Is this how evil Ace is? Pero demonyo rin naman ang lalaking ito para pumatay ng isang tao. Evils.
"I won't tell her unless you go inside of DHJ, now!"
Mabilis na tumakbo ito sa loob kasabay ng paglock ni Supremo sa pinto. Wala kaming narinig na kahit na anong ingay. Anong nangyari?
"This is our job Ms. Zein, kailangan nating patayin lahat ng makasalanan. Kailangang mawala lahat ng dapat mawala."
Wala na akong nagawa kung hindi sumunod sa kanila na ngayon ay pabalik na. Muli kong sinulyapan ang DHJ, hindi ko alam kung ano ang nakita ko pero sigurado ako, may iba pang tao sa loob non.
Kinilabutan ako kaya mabilis na humabol ako sa kanila.
"The President is the one who implemented that punishment." Sabi ni Onel na ngayon ay nakangiti na, parang wala lang sa kanila ang nangyari.
Si Ace? Sya ang gumawa ng parusang kamatayan na ito? Pero bakit? God! Nakakakilabot ang isang halimaw na ito. Mas magiging maingat na ako ngayon sa kanya. Ayokong mangyari sa akin kung ano ang nangyari sa lalaking iyon.
"Supremo! Supremo!"
Natigilan kami sa paglalakad nang harangin kami ng isang babae na ngayon ay nakaluhod na sa harap namin.
"Asan na po si Ferry? Supremo, please, asan na po sya?" Tanong nito.
Si Ferry ay ang lalaking nahatulan kanina.
"He's gone." Matigas na sagot ni Ace.
Humagulgol ito ng iyak kaya nilapitan ko na ito. Inakay ko sya papunta sa isang bench. Umalis lahat ng nakaupo roon matapos akong makita.
"N-Number 9? Isa ka rin sa kanila!" sigaw nito.
"Sorry." Ang tanging sagot na nasabi ko.
"S-Sorry?" Tanong nito na halatang nagulat. "Nagso-sorry ka?" Tanong nito.
"Patawad. Hindi ko ginusto ang nangyari kay Ferry." ulit ko.
"Kasama ka sa Highest 10! You shouldn't say sorry! Secretary ka pa! Lahat ng mataas ay hindi humihingi ng tawad!"
Napabuntong-hininga na lang ako. Kagagawan ng isa, apektado kami. Ngayon ay naikukumpara na rin nila ako sa mga demonyo. Psh.
"Anong pangalan mo at kaano-ano mo ba si Ferry?" Pag-iiba ko ng topic.
Pinunasan nito ang kanyang mata bago tumingin sa malayo.
"Ako si Jane at si Ferry ang aking boyfriend." Malungkot nitong saad.
Boyfriend nya sya? Ang babaeng ito ba ang tinutukoy ni Ace? Pero bakit ganon ang naging reaksyon ni Ferry nang tinakot sya ni Ace na sasabihin kay Jane na pinatay nito si Grace?
"Hindi ko na alam ang gagawin ko. Pinatay nila ang nag-iisang bestfriend kong si Grace, tapos ngayon ang boyfriend ko naman."
SHIT! Bestfriend nya si Grace na pinatay ni Ferry na boyfriend nya? Kaya pala ganoon ang naging reaksyon nya ng tinakot sya ni Ace? Pero, bakit kaya nya pinatay si Grace? Anong rason nya?
"Anong pangalan mo binibini?" Tanong sa akin ni Jane.
"Zein." sagot ko.
"Kayo ang newbie hindi ba? Sa loob ng limang taon, ngayon lang ulit nagkaroon ng bago rito." sambit nito.
5 years ago? May mga napadpad na rin dito? Panibago na namang tanong na kailangan kong hanapan ng sagot. "Anong nangyari sa kanila?" tanong ko.
"Namatay. Lahat." sagot nito na ikinatayo ng balahibo ko.
Posible kayang sapitin rin namin ang sinapit nila? Nakakatakot.
"Pero sa unang pagkakataon, nagkaroon ng kapayapaan sa HU. Sa unang pagkakataon ay natigil ang pagdanak ng dugo. Dahil iyon sa kanya." sambit muli ni Jane.
Sino sya? Isa rin ba sya sa mga bago noon? Anong ginagawa nya? Bakit naging maayos ang lahat noon?
"Pero hindi rin nagtagal ang lahat. Lahat ay may hangganan, nagbalik ang lahat sa dati. Ang mas nakakatakot ay mas bumangis ang mga demonyong noon ay maamo."
Wala akong maintindihan! Ano ba talagang nangyari noon?
"Ate Zein, ang babaeng iyon ay matagal mo ng nalamangan." sambit nito na ikinakunot ng noo ko. "Naging myembro sya ng Highest 10 dalawang buwan matapos ang pagpasok nila rito, ikaw, wala pang isang buwan. Ang pinagkaiba nyo lang ay nainlove sa kanya ang supremo na anak ng dating head master ng HU. Sige ate Zein, mauna na ako."
Pinanuod ko lang kung paano maglaho sa aking paningin si Jane.
Nainlove sa kanya ang dating Supremo na anak ng dating headmaster? Sino? Sino ang babaeng iyon? Sino ang dating Supremo? Sino ang headmaster na tinutukoy niya?
Paano silang lahat namatay? Anong nangyari, 5 years ago?
-
-
-
TO BE CONTINUE....
