Unicode
Jiminသည် ထမင်းစားရင်း ငေးငိုင်နေလေသည်။
" Jimin Jimin "
Taehyung၏ခေါ်သံကိုကြားမှ Jiminသည် ငေးငိုင်နေရာမှ အသိပြန်ဝင်လာသည်။
" အေး ဘာလဲ "
" ဘာတွေငိုင်နေတာလဲ၊ ထမင်းစားလေ "
" အင်း စားနေပါတယ် "
ဟုပြောသော်လည်း Jiminကထမင်းတွေကိုစိတ်မပါလက်မပါဖြင့် ဟိုထိုးဖွဒီထိုးဖွ လုပ်နေသဖြင့် ပန်းကန်ထဲက ထမင်းတွေမှာ ပွလန်ကြဲနေလေပြီ။ ထိုအဖြစ်ကို ကြည့်ရင်း စိတ်မရှည်တော့သော Taehyungက Jimin ၏ခေါင်းကို ခွပ်ခနဲမြည်အောင် ဇွန်းဖြင့်ခေါက်ချလိုက်သည်။ တစ်ပြိုင်နက်တည်းဆိုသလို နာကျင်ခြင်းကြောင့် Jimin၏ အော်သံလည်းထွက်ပေါ်လာသည်။
" အား... "
" ရားးး Kim Taehyung အခုဘာလုပ်လိုက်တာလဲ "
ခေါက်ခံလိုက်ရသောခေါင်းလေးကိုပွတ်ရင်း Taehyungကို Jimin ရန်ပြန်တွေ့တော့သည်။
" ခေါက်လိုက်တာလေ "
Taehyungသည် ဇွန်းကိုယမ်းပြကာ ဆိုတော့ Jimin ဒေါပွသွားသည်။
" ဘာ..."
" အခုမှ Park Jiminရုပ်ပေါက်တော့တယ် "
Jimin၏စိတ်ဆိုးမာန်ဆိုးဖြစ်နေသောရုပ်ကိုကြည့်ကာ Taehyungက ပြောတော့
" ဘာကြီး "
ဟု Jiminက နားမလည်ဟန်မေးသည်။
" Jiminရား ကိုယ့်ရုပ်ကိုရော မှန်ထဲကြည့်ပြီးပြီလား ဟမ် "
" ငါ့ ရုပ်က ဘာဖြစ်နေလို့လဲ "
" မုဆိုးမ လင်သေတဲ့ ရုပ်နဲ့ "
" ဟမ် မုဆိုးမက အစကတည်းက လင်သေလို့ မုဆိုးမဖြစ်တာမဟုတ်ဘူးလား မုဆိုးမ လင်သေရုပ်ဆိုတာဘာကြီးလဲဟ "
Taehyungသည် Jiminကို တုံးရန်ကောဟူသည့် အကြည့်ဖြင့်ကြည့်လိုက်ပြီးနောက် အကျိုးအကြောင်းရှင်းပြလေသည်။
" ပထမလင်သေလို့ မုဆိုးမဖြစ်တာမလား "
" အင်းလေ "
" လင်သေလို့ နောက်လင်ထပ်ယူပါတယ်ဆိုမှ အဲ့လင်ကပါ သေသွားတော့ အဲ့မုဆိုးမ ဘယ်လိုခံစားရမလဲ "
