မနက်7နာရီခွဲနေပြီဖြစ်သော်လည်း နေအလင်းရောင်သည် အခုချိန်ထိမှိန်ပျပျလေးတောင် ထွက်မလာသေးပေ။
"သားရေ... ထတော့လေကွယ်"
အခန်းအပြင်ဘက်က မေမေလှမ်းနှိုးနေသည့်အသံကို ကြားရသည်။ ကျွန်တော်နိုးနေသည်မှာ မနက်5နာရီတီးကတည်းကပင်။ နိုးကတည်းက စာကြည့်စားပွဲမှာထိုင်ပြီး စာအုပ်ကိုဖွင့်လိုက်၊ပိတ်လိုက်လုပ်နေမိသည်မှာ အခုချိန်ထိဖြစ်သည်။
"သားရေ..."
မေမေ့အသံကို ထပ်ကြားရပြန်ပြီ။ မနိုးမချင်းအခန်းအပြင်ကနေ အော်နှိုးတတ်သည့် မေမေ့အကျင့်ကိုသိသူပီပီ ကျွန်တော်နိုးနေပြီဖြစ်ကြောင်း လှမ်းအော်ပြောရသည်။
"နိုးပြီ မေမေ... ခဏနေရင်ဆင်းလာခဲ့မယ်။"
"အေးအေး"
ကျွန်တော်ဘယ်လိုမှ ဒီစာအုပ်ကနေ အာရံုလွှဲမရဘူးဖြစ်နေသည်။ ကျွန်တော့်စိတ်တေွ လေးနေသည်။ ဒီစာအုပ်ကိုဖတ်ပြီးလျှင် သေချာပေါက်နောင်တရလိမ့်မည်ဆိုတာ ကြိုသိနေသလိုပဲ။ ကျွန်တော်ဒီစာအုပ်ကို ဆက်မဖတ်ရဲဘူး။ သို့ပေမယ့် ဆက်မဖတ်မချင်း ကျွန်တော်ဘယ်အရာပေါ်ကိုမှ အာရံုစိုက်နိုင်မည်မထင်ပါ။
"ဖတ်မယ်ကွာ... ဒီနေ့အလုပ်မသွားတော့ဘူး။"
စာအုပ်ကိုပိတ်လိုက်ကာ ထိုင်ခံုမှထလာခဲ့သည်။ ရေချိုးခန်းထဲဝင်ကာ မျက်နှာသစ်၊သွားတိုက်ပြီးတာနှင့် အောက်ထပ်သို့ မနက်စာစားရန်ဆင်းလာခဲ့လိုက်သည်။
"အဝတ်အစားတစ်ခါတည်း လဲမလာဘူးလား သား"
"ဟင့်အင်း မလဲလာဘူးမေမေ... သားဒီနေ့ အလုပ်မသွားတော့ဘူး။"
ကျွန်တော့်စကားကြောင့် မေမေသည်ပြာပြာသလဲဖြင့် အနားသို့လာကာ ဟိုစမ်းဒီစမ်းလုပ်လာလေသည်။
"နေမကောင်းလို့လား သား... ဆေးခန်းသွားမလားဟင်"
"နေကောင်းပါတယ် မေမေရဲ့... တစ်ရက်လောက် အိမ်မှာ အေးအေးဆေးဆေးအနားယူချင်လို့ပါ။"
"အင်းပါ။ နားနား... မေမေဘာချက်ကေျွးရမလဲ... သားစားချင်တာပြောလေ။"
YOU ARE READING
Second Person (Season_1)(Completed)
Fanfictionငေွရောင်လက်စွပ်နှစ်ကွင်းနဲ့ ဆွဲကြိုးလေးတစ်ကံုး... ဘယ်ဘက်ရင်အံုက အမာရွတ်လေးနဲ့ စာအုပ်လေးတစ်အုပ်... ပြီးတော့ ခံစားချက်တေွကို ဝန်ခံမိတဲ့အခါမှာ သက်ရောက်လာမယ့်ကျိန်စာ... Kim Tae Hyung X Jeon Jung Kook Start date _ 8.7.2020 End...