« និយាយអ្វីក៏លោកមិនដឹងដែរ » នាយតូច ជ្រឹមភ្នែកសម្លឹងគេហាក់ដូចជាកំពុងតែតាមចាប់កំហុស តែអ្នកកម្លោះអាយុមិនចេះតិចឆ្នាំធ្វើហីៗ ចង់ចាប់កំហុសណាស់ក៏ចាប់ទៅ គេមានទៅខ្លាចអី ហើយបើចាប់បានក៏នាយតូចម្នាក់នេះធ្វើអ្វីគេមិនបានដដែលហ្នឹង ។
« ក្បាលនិងគ្រវីចង់ជ្រុះហើយ » អត់មិនបាននឹងកាយវិការគួបផ្សំជាមួយនិងទឹកមុខឌឺរបស់គេមិនបាន Tae ក៏លើកដៃទៅវាយដើមដៃគេមួយដៃផាច់ តែក៏ត្រូវជ្រួញចញ្ចើមចូលគ្នាមួយរំពេច ព្រោះតែវាយគេឈឺដៃខ្លួនឯង ។
« សមមុខ » Jungkook លួចសើចបន្តិចខណៈដែលនាយតូចកំពុងតែអង្គុយផ្លុំដៃផង អង្អែលដៃផង ដៃនៅល្អសុខៗមិនចង់ទេ នៅមិននៅមកធ្វើឱ្យដៃខ្លួនឯងឈឺ បែបនេះសមតែមិនជួយតើ ។
« លោកចង់សម្លាប់ខ្ញុំច្បាស់ណាស់ »
« បើតាមចាំ អម្បាញ់មិញឯងជាអ្នកវាយយើងតើ » នាយតូច គាំងនិយាយលែងចេញដោយសារតែមុននេះខ្លួនទេដែលជាអ្នកទៅវាយគេពិតមែន គេមិនបានធ្វើអ្វីនោះទេ ប៉ុន្តែគេមិនព្រមទទួលខុសជាមួយទេ មនុស្សកំពុងតែឈឺខ្លួនស្រាប់ផង ។
« មិនដឹង »
« ហុចដៃមកនេះ អង្គុយអង្អែលត្រដុសៗហ្នឹងវាមិនបាត់ឈឺទេ » កម្លោះសង្ហា លូកដៃទៅក្រសោបកាន់ដៃតូចស្រឡូនយកមកកាន់ជាប់ រួចក៏ទម្លាក់បបូរមាត់ទៅថើបមួយដង្ហើមយ៉ាងវែង ចង់ម្ចាស់ដៃទាញវិញយ៉ាងម៉េចក៏គេមិនខ្ចីលែង ។
« ខ្ញុំឃើញលោកធ្វើឱ្យនាងជាដែលតើ តែមិនឃើញថើបផង »
« ឥឡូវចង់ឈឺទៀត ឬក៏ចង់ជា?? »
« កុំឱ្យខ្ញុំចាប់បានថាលោកលេងខ្សែលើខ្ញុំឱ្យសោះ »
« ចុះបើខ្ញុំខ្សែលើពិតមែន ក្មេងតូចធ្វើអ្វីខ្ញុំបាន? »
« គង់តែដល់វេនខ្ញុំម្តងទេ »
« ខ្លាចណាស់នាក៎ អ៎!! ត្រូវហើយនាងតូច មកឈរជិតពូបន្តិចមក នាងតូចប្រញាប់ទៅផ្ទះទេ? »
« ចាស៎ »
« ពូសុំមើលដៃបន្តិចបានទេ?? »
« ចាស៎!! បាន » នាងតូច ងក់ក្បាលបន្តិចហើយក៏លាដៃពីរដាក់ឱ្យអ្នកកម្លោះមើល តែគេគ្មានបានទៅចង់មើលអ្វីនោះទេ គេកំពុងតែសុំអនុញ្ញាតិក្នុងការឱ្យរបស់តែប៉ុណ្ណោះ ។ Jungkook នៅតែរក្សាស្នាមញញឹមជាប់នៅលើរង្វង់មុខមិនបាត់ហើយក៏ស្ងាត់ គេលាដៃយកទៅដាក់លើដៃរបស់នាងតូចម្នាក់នោះ ហើយគ្រាន់តែគេដកដៃ ដឹងថាមានអ្វីខ្លះនៅលើដៃនាងទេ??
YOU ARE READING
Zero O'Clock (Complete)
Romanceគេជាមនុស្សប្រុសដ៏សែនចម្លែក គេមានអ្វីម្យ៉ាងនៅក្នុងខ្លួនដែលមនុស្សធម្មតាគ្មាន ។ គេមានថាមពលចង់ធ្វើអ្វីក៏បានតាមដែលចិត្តគេចង់ ទោះគេមិននិយាយក៏ដោយ គ្រាន់តែគិតអ្វីដែលគេចង់បានគេក៏បានភ្លាម ។ តែអ្វីដែលអ្នកទាំងអស់គ្នាមិនទាន់ដឹងនោះគឺ ជារៀងរាល់ម៉ោង 12 ថ្ងៃត្រង់គេត...