Astrid Monteverde (Bitch Series #1) ✔️

CHAPTER 10

LORRAINE

Isang buwan na pala ang nakalipas simula nung nag-aral ako dito sa BHU. So far, so good. Ayos naman ang pag-aaral ko at malalaki rin ang nakuha kong mga scores sa quizzes, exams, recitations, and reports.

Buti nalang talaga at mataba tong utak ko, kaya laking pasalamat ko na rin dahil hindi ko napapabayaan ang scholarship ko.

Sa nagdaang mga araw at linggo ay medyo marami narin ang nangyari. Yung dating hotdog at itlog na ulam namin ni Lennie ay nadagdagan na since nagsimula na akong magtrabaho ng part time sa Jollibee.

Inapply kasi ako dun ni Jamie nung time na nasabi ko sa kanya na kailangan ko ng trabaho.

Buti nalang talaga at may alam siya tsaka nagkataon rin na best friend ng mommy niya ang may-ari nun na ipinagpasalamat ko na rin kaya ako nakapasok agad.

Ang dating ulam namin na dalawang putahi lang ay nadagdagan na nang spaghetti, chicken joy, at marami pang iba. Tuwang-tuwa nga ang bubwit na makulit since sabi niya ay matagal-tagal na rin siyang di kumakain nun. Namiss ko rin naman kasi kumain ng masasarap na pagkain.

I think huling kain namin ng ganon nung birthday pa ni Aling Doray, nung sinama niya kami sa Eat All You Can para I-celebrate ang birthday niya.

At tsaka pala yung kapatid ko na yun ay nag-aaral na rin ngayon sa pinapasukan kong skwelahan since may kindergarten dun. Well, sinabay rin kasi siya ni Aling Doray na ipa enrol nung time na gusto na rin ng anak nila na si Khiann na doon mag-aral since ito lang na eskwelahan ang malapit sa amin.

At tsaka guys, kung di niyo naitatanong ay scholar rin po ang kapatid ko kahit kinder palang. Ako naman ang taga hatid at sundo sa kanya. Katulad nalang ngayon.

Nandito ako sa harap ng classroom nila at isa pa kaka dismiss rin lang kasi namin kaya dito na ako dumiretso. Biyernes naman kasi at half day lang. Mamaya pa naman ang duty ko mga 7 p.m. since sinadya kong ipa gabi ang schedule ko para mahaba-haba ang tulog ko lalo na't mag-aaral pa ako.

Natigil naman ako sa malalim na pag-iisip ng mapansin ko na nagsilabasan na ang mga bata sa kanilang classroom. Nakita ko naman agad ang kapatid kong mukhang inaantok na dala sa pagkapagod na may kasamang paghikab.

"Ate uwi na tayo inaantok na ako." Kinuha ko naman agad ang bag niya at nag decide na ako na ang magbitbit. Magaan lang naman to tsaka sa mukha ng kapatid kong to' ay parang anytime matutulog na.

Di siguro to nakatulog ng maayos kagabi. Paano ba naman puro laro ang inaatupag simula nung binilhan siya ni Miss Astrid ng laruang di remote na bubuyog. Yung nagsasalita ganon.

Parang robot ba tawag don.

"Tara na. Maglalakad ka ba o bubuhatin ka ni Ate?" Itinaas naman agad niya yung mga kamay niya senyales na gusto niyang magpabuhat. Umiling na muna ako bago siya kinarga at agad na naglakad palabas ng campus.

Napansin ko naman na wala na masyadong tao at kaunting estudyante nalang ang nakikita ko since yung iba pang gabi ang klase habang yung iba naman ay katulad ko lang ring half day lang.

Palabas na sana kami ng gate nang biglang sumigaw tong' kapatid ko habang may tinitignan sa may di kalayuan.

"Ate ganda!"

Napatigil naman ako sa paglalakad at agad na ibinaba si Lennie. Tumakbo naman agad siya papunta sa likod ko bago ko naisipang lumingon. Nagulat naman ako ng bahagya na ang tinutukoy pala na ganda ni Lennie ay si Ms. Astrid. Well, speaking of her.

"Oh, hello, baby girl."

Nagpakarga naman agad ang kapatid ko na parang biglang nawala ang kanyang antok. Nakahinga naman ako ng maluwag ng makita na siya lang ang mag-isa at wala doon yung mga kaibigan niya. Buti naman.