Astrid Monteverde (Bitch Series #1) ✔️

CHAPTER 29

LORRAINE

Nagising ako ng tumama ang sinag ng araw sa aking mukha na lumusot dito sa maliit kong bintana sa kwarto. Kinusot-kusot ko naman ang mata ko at babangon na sana nang may naramdaman akong mabigat na bagay na nakapatong sa tiyan ko.

Tinignan ko naman ito at lumingon sa gilid kong saan natutulog na mayapa ang anghel sa buhay ko.

Ang aga-aga pero ang landi ko na joke. Pero sa totoo lang ang ganda niya po pag tulog oo pag tulog lang talaga kasi kapag gising ay mukha siyang dragon.

I caress her cheeks gently using my thumb at hinalikan ang noo niya while mumbling good morning, my love. Bago nagpasyahang bumangon. Nag stretch naman ako ng kamay ko at tinignan ang orasan na nasa gilid lang.

Nakita ko naman ito na alas 5:30 palang ng umaga. Eh? Ang aga ko naman yata nagising?

Tss hayaan na nga atleast makapagluto pa ako ng kakainin namin lalo na't nandito ang mangkukulam.

Tinali ko naman ang buhok ko pagkatapos ko kumutan ang katawan ni madam na hanggang ngayon nakadantay parin pala ang kamay niya sa tiyan ko. Dahan-dahan ko naman itong kinuha at agad pinalitan ng unan ang tabi niya at doon inilagay ang kanyang kamay. Napangiti naman ako nang makita ko ang itsura niyang parang kuting.

Pagkatapos ko siya halikan ulit sa noo ay agad naman akong lumabas sa kwarto at nagtungo sa kusina at naghilamos pagkatapos agad bumili nang lulutuin na ulam kina Aling Doray.

Malayo palang ako ay nakita ko na itong nagwawalis sa bakuran niya. Ngumiti naman agad ito ng makita ako.

"Magandang umaga Aling Doray." Masayang bati ko sa kanya.

"Magandang umaga rin Raine, oh ang aga mo yata nagising?" Napansin niya rin pala? Akala ko, kasi ako lang. Nagkamot naman ako sa batok ko bago siya sinagot.

"Ahh siguro po kasi ano maaga akong natulog kagabi kaya ganun hehe." Maaga o baka may katabi ka lang na diyosa?Saad ng isang bahagi ng isip ko na hindi ko nalang pinansin.

Nakita ko naman siyang umiling lang bago muling nagsalita, "Ikaw talaga. Oh, may bibilhin ka ba?" Oh muntik ko na tuloy makalimutan na bibili pala ako. Si Aling Doray kasi tsk.

"Ahh opo hehe pabili po ako nang Daing isang balot, limang itlog at isang pack nang hotdog po." Sabi ko sa kanya. Agad niya naman itong kinuha, habang ako ay naghintay lang sa labas ng tindahan.

Nakalimutan ko palang mag grocery kahapon huhu. Di bale baka mamaya mag gogrocery ako. "Ito na Raine, bale 180 lahat." Ibinigay ko naman sa kanya ang bayad at pagkatapos ko makuha ang sukli sa 200 ay nagpaalam na ako na babalik na sa bahay.

Pagkarating ko sa kusina ay agad ko naman itong inasikaso at nagpakulo muna nang mainit na tubig para mamaya sa gatas ni Lennie at kape ko narin. Ewan ko lang dun sa isa kung mahilig ba yun sa kape. Ilang sandali pa ay natapos naman ako sa pagluluto ng mga ulam at isinunod ko na agad ang kanin na mamaya-maya lang ay luto na rin.

Inihanda ko naman ito sa mesa lahat bago magpasya na umakyat sa taas para gisingin ang dalawang tulog pa ngayon sa magkabilang kwarto. Napatingin naman ako sa oras at nakitang mag-aalas 6:15 palang ng umaga.

Inuna ko naman puntahan ang kwarto ni Lennie at agad itong ginising na nakayakap pa sa teddy bear niyang si Pooh na regalo sa kanya ni mangkukulam nung minsan ay pumupunta siya dito. Niyugyog ko naman ito para magising.

"Lennie? Psst batang paslit bangon na." Marahan naman siyang gumalaw at magkusot-kusot ng mata bago dumilat. Napangiti naman ako sa sobrang cute ng kapatid ko dahilan para hilahin ko siya sa kamay at agad na kinarga habang hawak niya pa ang teddy bear niya.