Unicode
ထို့နောက် လွီနင်က ဖက်ထုပ်နည်းနည်းစားပြီး ပြန်အိပ်ပျော်သွားသည်။ နှစ်ယောက်လုံး ဘယ်သူမှ အစောက အဖြစ်အပျက်ကို ထပ်မပြောကြချေ။ တစ်ညလုံး ပြတင်းပေါက်အပြင်ဘက်က ဗြောက်အိုးသံတွေက လွီနင်ကို လန့်နိုးလာစေသည်။ မျက်လုံးတွေကို မှိတ်ထားပေမယ့် သူအိပ်မရတော့။
အိပ်မရတာကြောင့် လွီနင် သူ့ဘေးက ဝေ့ဒါလည်း သူလိုပဲ တစ်ညလုံး လုံးဝအိပ်မပျော်ဘူးဆိုတာ သိနေခဲ့သည်။
နှစ်သစ်ကူး၏ ပထမဆုံးနေ့မှာ လွီနင် ဆေးရုံမိသားစု နှစ်သစ်ကူးပွဲကို တက်ရောက်ဖို့ရန် အလုပ်ကို ထွက်ခဲ့သည်။
သူထွက်လာချိန် ဝေ့ဒါ အိပ်ရာထဲ လှဲနေတုန်းရှိသေးသည်။ သူနိုးပြီလား အိပ်ပျော်နေတုန်းလားဆိုတာတော့ မသိပေ။
ဆူညံသော နှစ်သစ်ဆုတောင်းစကားတွေနှင့်ပဲ တစ်ရက်က ကုန်သွားခဲ့ပြန်သည်။
လူတွေအများကြီးကြားမှာတော့ လွီနင်တစ်ယောက် နည်းနည်းတော့ အတွေးများနေမိသည်။ မနေ့ညက အဖြစ်အပျက်က တကယ်တော့ ထင်ယောင်ထင်မှားဖြစ်တာပဲနေမည်။
သူ့နှုတ်ခမ်းပေါ်မှာ စွဲကျန်နေခဲ့သည့် အထိအတွေ့က ဘာတွေဖြစ်ပျက်ခဲ့သလဲဆိုသည့် အမှန်တရားကို ပြောပြနေသလိုပင်။
ဝေ့ဒါက ဘာလို့ သူ့ကို နမ်းရတာလဲ...
အနမ်းက ဘယ်သူမှ ခုခံနိုင်စွမ်းမရှိလောက်အောင်ကို ပြင်းထန်နက်ရှိုင်းလွန်းသည်။
ဒါပေမယ့် … ဘာကြောင့်လဲ …
အိမ်ပြန်လမ်းတွင် လျိုကျင်းက မနေ့က ဖုန်းခေါ်ဆိုမှု အကြောင်းကို စကားစလာသည်။
" တကယ်ကြီး ထူးဆန်းနေသလားလို့။ နင် နင့်ညီကို ကောင်မလေးနဲ့ ချိတ်ပေးဖို့ ငါ့ကို အကူအညီတောင်းတယ်ပေါ့။ "
" အင်း... ငါက သူလည်း ရည်းစားလေးတစ်ယောက်လောက်ရှိသင့်တယ်ထင်လို့။ "
" ငါကတော့ သူအလုပ်အကိုင်အတည်တကျဖြစ်ပြီး အရွယ်ရောက်တဲ့အထိ စောင့်သင့်တယ် ထင်တာပဲ။ "
" အခုလက်တလောလေး... တစ်ယောက်လောက်ရှာပေး။ နင့်သူငယ်ချင်းတွေထဲက တစ်ယောက်နဲ့ ပြောပေးကြည့်ပါလား။ "
KAMU SEDANG MEMBACA
Nowhere to Go (Myanmar Translation) ✔️
RomansaOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.