Unicode
" ကိုကိုဖြစ်စေချင်တာ အားလုံးကို ကျွန်တော်လုပ်မှာပဲ။ ဟုတ်တယ်... ဘာလို့ဆို ကိုကိုကြောင့်ပဲ။ "
ဝေ့ဒါက ပြောပြီးတာနှင့် လွီနင်ပုခုံးကိုပုတ်ကာ အနောက်ကိုပြန်လှည့်ပြီး ရုပ်ရှင်ရုံထဲကို ပြန်ဝင်သွားသည်။
လွီနင်ကိုယ်အတွင်းက သွေးတွေအေးခဲသွားပြီး သူ့ကိုယ်သူ ကြာကြာရပ်တည်နေနိုင်အောင်ပင် မစွမ်းနိုင်တော့။ ထို့ကြောင့် သူနောက်ဆုတ်ကာ နံရံကိုမှီလိုက်ရသည်။
ပေါက်ပေါက်ရောင်းတဲ့သူက စပ်စပ်စုစု လှမ်းကြည့်လာသည်။
ဝေ့ဒါက ဟာသပဲ ... သူနောက်နေတာလို့သာ လွီနင် တွေးနေမိသည်။
သူ့ရဲ့ ဒီအကြောင်းပြချက်က အပေါ်ယံမှာ သူ့ကိုယ်သူ စိတ်သက်သာရစေပေမယ့် သူ့စိတ်ထဲမှာတော့ ဘာတွေဖြစ်ပျက်သွားလဲဆိုတာ နားမလည်နိုင်တော့။
လွီနင် ရုပ်တုတစ်ခုလို အေးစက်နေသည့် နံရံကိုသာ မှီရပ်နေပြီး ရုံထဲက ဆူညံနေသည့် ရယ်မောသံတွေကိုသာ နားထောင်နေမိသည်။ သူ့နှုတ်ခမ်းထောင့်တွေကို ကွေးကာ ရယ်မောလိုက်ချင်ပေမယ့် သူမရယ်နိုင်တော့။
ဘာကြောင့် ဒီလိုမျိုး ဖြစ်သွားခဲ့ရတာလဲ။
သူ ဝေ့ဒါကို စောင့်ရှောက်တယ်... ကူညီပေးတယ်... ဂရုစိုက်ပေးတယ်... ဘာကြောင့်လဲဆို သူ့ညီဖြစ်နေလို့လေ။
လွီနင်က သူ့ရဲ့ ဆွေမျိုးလေ။ သူ ဝေ့ဒါက်ို နေရောင်အောက်မှာ အသက်ရှင်သန် နေထိုင်နိုင်တဲ့ သာမန်လူတစ်ယောက်ဖြစ်ဖို့ မျှော်လင့်ခဲ့သည်။
[ ဝေ့ဒါက မကောင်းဆိုးဝါးလို့ ဆိုလိုချင်...]
သာမန်လူတစ်ယောက်သာဆို သူနိုးထလာချိန်မှာ သူ့အစ်ကိုကို သဘောကျမိမှာမဟုတ်ပေ။
သူက ယောကျာ်းတစ်ယောက်လေ...
ပြီးတော့ ငါက သူ့အစ်ကိုလေ...
ဒါက ပုံမှန်မဟုတ်ဘူး...
လွီနင် သူ့မျက်နှာကို အုပ်ကာ မြေကြီးပေါ် ထိုင်ချလိုက်သည်။
အရာရာတိုင်းက ကောင်းမွန်တဲ့ တိုးတက်မှုတွေဖြစ်ပေါ်နေပြီး သူမှာလည်း အနာဂတ်အတွက် မျှော်လင့်ချက်တွေ အများကြီးနှင့် ပြည့်နေခဲ့သည်။
YOU ARE READING
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.
