Unicode
Positive... Positive တဲ့...
လွီနင် စိတ်ထဲ ဗလာကျင်းသွားရသည်။ ဒါက " နောက်လှည့်မရ ရှေ့တိုးမရ" အခြေနေမျိုးပင်။ ဒီအချိန်တိုလေးမှာပဲ အသိတရားတွေအားလုံး ပျောက်ဆုံးသွားပြီး ဘာကိုမှ သူမသိတော့။
ဒါက ကူးစက်ရောဂါဆိုးကြီးလေ။
ဝေ့ဒါက သူ့ကိုဖက်ပြီး နှစ်သိမ့်လာ၏။
" ကိုကို ဘာမှကြောက်စရာမလိုဘူး။ ကိုကို့မှာ ကျွန်တော်တစ်ယောက်လုံးရှိသေးတယ်။ "
သူ့အသံကို ကြားလိုက်ရချိန် လွီနင်ရုတ်တရက် မှင်သက်မိသွားသည်။ လွီနင် ဝေ့ဒါ၏ အင်္ကျီလက်ကိုဆွဲကာ အထိတ်တလန့် မေးလိုက်သည်။
" ဒါ... ဒါဆ်ို... မနေ့က မင်း... ရောဂါကူးသွားပြီပေါ့။ "
လွီနင် အိပ်ရာနိုးချိန်က နောင်တရသလို ဖြစ်နေခဲ့ပေမယ့် စိတ်ထဲမှာတော့ သူကံကောင်းဖို့ရန် မျှော်လင့်နေဆဲပင်။ သို့သော်လည်း သူကူးစက်ခံလိုက်ရပြီဆိုတာကို သိလိုက်ရတော့ သူအရမ်းကို ခါးခါးသီးသီး ဖြစ်မိသွားသည်။
ဝေ့ဒါသာ ကူးစက်မခံရလျှင် ဘာပဲဖြစ်ဖြစ် သူ့အတွက် ကံကောင်းခြင်းပဲ။
ဝေ့ဒါ လွီနင်၏ ဖြူဖျော့နေသော မျက်နှာကို ကြည့်လျှက်ပြောလိုက်သည်။
" ဘာမှ မဖြစ်ပါဘူး။ "
" ဖြစ်နိုင်လောက်လား ... ရောဂါမကူးတာမျိုးလေ...ယောကျာ်းကနေ မိန်းမကို ကူးတာမျိုးလေ။ "
" ဒါက ဖြစ်နိုင်ချေရှိတဲ့ ပြဿနာတစ်ခုပဲလေ။ ငါတို့က ရောဂါကူးစက်နိုင်တဲ့အထိ အကြိမ်ပေါင်းများစွာ ဖြစ်ခဲ့ကြတာလဲမဟုတ်တော့... ဖြစ်နိုင်တာက... "
လွီနင် အိပ်ရာပေါ်က သွေးစတွေကို မြင်လိုက်တော့ သူ့မျက်နှာက ဖြူဖျော့သွားရသည်။
လွီနင်က အထိတ်တလန့် စကားပြောလာလေ ပိုပြီး ကြောက်ရွံ့လာလေဖြစ်နေတယ်လို့ ဝေ့ဒါ ခံစားလိုက်ရ၏။" ဘာရောဂါမှ မဖြစ်နေဘူးလို့ ကျွန်တော်ပြောနေတယ်လေ !"
လွီနင် စကားပြောတာရပ်သွားပြီး ဝေ့ဒါကို ကြောင်အလျှက် ကြည့်လာ၏။
YOU ARE READING
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.