Unicode
Warning: sexual content alert.
" ကိုကို... ကျွန်တော်ပြန်လာပြီ။ "
ဝေ့ဒါ အလုပ်ကပြန်လာတော့ စားပွဲပေါ်က ဟင်းပွဲတွေကို မြင်လိုက်ရ၏။ ဝေ့ဒါ သေချာကြည့်လိုက်မှ အားလုံးက သူကြိုက်သောဟင်းတွေကြည့်သာ။
" အချိန်မှန်သားပဲ။ ခဏလေးစောင့်ဦး ပြီးတော့မယ်။ လက်တွေဆေးပြီး စားဖို့ပြင်ထား။ "
လွီနင်က နီရဲနေသော ငါးကြော်တစ်ပန်းကန်ကိုကိုင်လျှက် မီးဖိုထဲက ထွက်လာသည်။
" အင်း ... အင်း ..."
လွီနင် ပိုပြီးတက်ကြွလာတာကို မြင်ရတော့ သူအရင်အချိန်တွေကို ပြန်ရောက်သွားသလို ခံစားရသည်။" ဝေ့ဒါ "
" အမ် "
"Happy Birthday."
" အင်း... ကျေးဇူး "
ဝေ့ဒါ လက်ဆေးနေရင်း လွီနင်၏ မွေးနေ့ဆုတောင်းကို ပြန်အမှတ်ရမိတော့ သူမပြုံးဘဲမနေနိုင်တော့။
ထိုပေါတောတောအပြုံးကြီးနှင့်ပဲ ညစာဆက်စားနေမိသည်။
လွီနင်သည် ဝေ့ဒါပြုံးနေတာကိုမြင်ပြီး မေးလိုက်၏။
" အရမ်းပျော်နေတာလား။ "" အင်း... ကျွန်တော်အရမ်းပျော်တာပဲ။ "
ဝေ့ဒါ ကြက်သားတစ်တုံးကောက်စားရင်း ပြုံးဖြီးဖြီးမျက်နှာပေးဖြင့် ပြန်ဖြေလိုက်သည်။
ထိုခဏတွင် လွီနင်သူအတွေးတွေထဲ နစ်မြုပ်သွားရသည်။ ဒီနေ့ သူ့ညီကို ဂရုစိုက်ကြည့်မိချိန်မှ ဝေ့ဒါ အတော်လေးပိန်သွားပြီး မျက်ကွင်းတွေလည်း ညိုနေတာကို သတိထားမိသည်။
ဝေ့ဒါက နေ့ခင်းဆို အပြင်အလုပ် ထွက်လုပ်ရပြီး ညဘက်ဆို ပရိုဂရမ်ရေးရသေးသလို ရောဂါကြောင့် စိတ်ဓာတ်ကျနေသောသူ့ကိုလည်း ပြုစုရသေးသည်။ သူ့ညီနှင့်ယှဥ်လိုက်လျှင် သူက ရောဂါလေးတစ်ခုကိုတောင် တောင့်မခံနိုင်သည့် တစ်ကိုယ်ကောင်းဆန်သောသူပင်။
ညစာစားရင်း ဝေ့ဒါနှင့် ဆွေးနွေးဖို့ရန် ပြင်ဆင်ထားပေမယ့်လည်း ဟင်းပွဲတွေကို အားပါးတရစားနေသော ဝေ့ဒါကိုမြင်တော့ သူဘယ်လိုစကားစရမှန်းမသိတော့ပေ။
YOU ARE READING
Nowhere to Go (Myanmar Translation) ✔️
RomanceOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.