Unicode
အိမ်တစ်ခုလုံး ရှုပ်ပွနေလေသည်။ လွီနင်ကိုယ်တွင် အဝတ်တစ်စမှကပ်မနေဘဲ ကြမ််းပြင်ပေါ်မှာ ကိုယ်ကိုကွေးလျှက် လဲလျောင်းနေသည်။ ဝေ့ဒါကတော့ အနောက်ကနေ သူ့ကိုလက်မောင်းတွေကြားမှာ တင်းကျပ်စွာ ပွေ့ဖက်ထားသည်။
ကြမ်းခင်းက အအေးဓာတ်က သူ့ခန္ဓာကိုယ်တစ်ခုလုံးကို ပျံ့နှံ့လာပြီး သူတို့နှစ်ယောက်၏ ခန္ဓာကိုယ်တွေထိဆက်နေသည့် နေရာကတောင် နွေးထွေးမှုစိုးစဥ်းမျှကို မခံစားမိတော့။
လွီနင်စိတ်ထဲမှာ ဗလာကျင်းလျှက်ရှိပြီး သူလှုပ်လည်းမလှုပ်ရှားချင်တော့သလို ဘာစကားမှလည်း မပြောချင်တော့။ သူ့ကိုယ်အတွင်းအပြင်ရောမှာ ခံစားချက်တစ်ခုသာရှိနေသည်။
နာကျင်မှု …
ဝေ့ဒါမွေးနေ့တုန်းက သူ့ကိုပြောခဲ့သောစကားတွေကို ပြန်အမှတ်ရနေမိသည်။ အသက်ရှုလိုက်တိုင်း နာကျင်နေရတယ်တဲ့။
အခုတော့ သူဒီစကားကို နားလည်ခဲ့ရပြီ။
နာကျင်မှုတဲ့ …
သူဘာမှလည်းမလုပ်ချင်တော့သလို လုပ်နိုင်စွမ်းလည်းမရှိတော့။ ဒီအတိုင်းလေးသာ လှဲနေချင်တော့သည်။ သူ့ဝင်သက်ထွက်သက်တွေတောင် နာကျင်နေပြီး သူ့ကိုယ်က အာရုံကြောတွေတောင် တုန်ယင်နေသည်။
သူအနောက်ကလူက သူ့ကိုတင်းတင်းကျပ်ကျပ်ဖက်ထားပြီး သူတို့အရေပြားတွေက ထိကပ်နေကြသည်။ သူတို့ထိကပ်နေကြသည့် နေရာတိုင်းကလည်း အပ်ပေါင်းရာထောင်ချီနှင့် ထိုးစွနေသလိုပဲ။
" ကိုကို ...ကျွန်တော့်ကို ထားမသွားပါနဲ့ .."
ဝေ့ဒါရဲ့ တောင်းပန်သံတိုးတိုးက သူ့အနောက်ကနေထွက်ပေါ်လာပြီး နာကျင်မှုတွေပြည့်နေတဲ့ သူ့အသံမှာ ကြောက်ရွံ့မှုနှင့် အကူအညီမဲ့မှုတွေရောလျှက်။
နာကျင်မှုတွေပြည့်နေတယ် ... လွီနင် ရှုပ်ထွေးသွားရပြီ။ သူတို့နှစ်ယောက်မှာ ဘယ်သူက ... နာကျင်နေရတာလဲ။
လပိုင်းလောက်ပြန်မလာခဲ့တဲ့အခန်းက သူတို့ဘယ်တုန်းကမှ မနေထိုင်ခဲ့ဖူးသလိုပင်။ တီဗွီနှင့် အိပ်ခန်းထဲက အိမ်ပိုင်ရှင်ပိုင်သည့်မွေ့ရာက ဖုန်တွေအထပ်လိုက်နှင့်။
ESTÀS LLEGINT
Nowhere to Go (Myanmar Translation) ✔️
Literatura romànticaOriginal Author - Fangua Steamed Bun English Translator - FL AI Robot (38 Chapters) This is my first work. Fully credit to original author and english translator .This is just fan translation. Both Unicode and Zawgyi.
