တစ်နှစ်နှင့်နှစ်လရှိပြီ။ ဂျွန်မြောင် သတင်းအစအနပင်မရသေး။ စစ်မှုထမ်းသွားတယ်ဆိုသော သတင်းသာရပြီး ဘယ်တပ်ရင်းလဲဆိုတာ မသိရ။
ဂျွန်မြောင် အစ်မရဲ့ဆိုင်၊ ဂျွန်မြောင်အဖေရဲ့ အလုပ်၊ ဂျွန်မြောင်ရဲ့အိမ်အထိ လူတစ်ယောက်ဆီလွှတ်ပြီး အခြေအနေကိုစောင့်ကြည့်ခိုင်းထားပေမယ့် မထူးခြား။
ခွင့်ရက်တွေမှာ ပြန်လာတာမျိုးလည်းမမြင်။
လက်ချောင်းတွေဆီအကြည့်ပို့လိုက်တော့ ငွေရောင်လက်စွပ်တစ်ကွင်းက တောက်တောက်ပပ။ ဘာရယ်မဟုတ် ကြည့်နေရင်းမှ သူ့လည်ပင်းထက်ရှိ ဆွဲကြိုးဆီ လက်ကရောက်သွားသည်။
ဆွဲကြိုးနဲ့တွဲထားပါသော သူနဲ့ပုံစံတူ လက်စွပ်တစ်ကွင်း။
ဂျွန်မြောင်နဲ့သူရဲ့ လက်ထပ်လက်စွပ်... မပေးရသေးတာတစ်ခုထဲ။
// ပုန်းနေတဲ့ ကောင်လေးကို ကိုယ်ရှာတွေ့ရင် ဘယ်တော့မှ လွှတ်မပေးတော့ဘူး ဂျွန်မြောင် //
.
.
.
.
.
.
မနက်ခင်းအားလပ်ချိန်မှာ ဖတ်လေ့ရှိသည့် သတင်းစာခေါင်းစည်းပိုင်းတွင် တုန်လှုပ်စရာသတင်းက ဂျွန်မြောင်ကို လှလှပပပြုံးပြနေသည်။
* ကျန်းရီရှင်းက တိတ်တဆိတ်လက်ထပ်ထားသည်မှာ တစ်နှစ်ခန့်ရှိပြီဖြစ်ကြောင်း အင်တာဗျူးတစ်ခုတွင်ပြောကြားခဲ့*
သတင်းခေါင်းစဉ်နဲ့တင် သူဆက်လို့မဖတ်ရဲတော့။
အားလပ်ချိန်ပြီးတော့လည်း သူ့အတွေးထဲမှာ ထိုသတင်းကသာ နေရာယူထားလျက်ရှိပြီး လုပ်သမျှအရာတိုင်းက အလွဲလွဲအချော်ချော်။
// အစ်ကို ဘာတွေလျှောက်လုပ်နေတာလဲ //
" မင်းအခုဘာတွေလုပ်လိုက်တာလဲ ရီရှင်း "
မျက်ခုံးနှစ်ခုကြားကို ဖိညှစ်ရင်း ရိဖန်က ပြောလာသည်။ အတူလက်တွဲလုပ်လာသည်မှာကြာလာပြီမို့ ကျန်းရီရှင်းက သူ့အတွက် ညီငယ်လေးဆိုလဲ မမှား။
အခုတော့ ပြုံးစိစိလုပ်နေသည့် ညီငယ်လေးကို ထိုးပစ်ချင်လှသည်။
မနေ့ကတည်းက အင်တာဗျူးကို ရုတ်တရက် လက်ခံလိုက်တာမို့ မျက်ခုံးတွေ လှုပ်နေခဲ့တာ။ အခုတော့ မျက်နှာကိုပါ ဖြတ်ရိုက်ခံလိုက်ရသည်။
YOU ARE READING
My Idol Becomes My Husband (U+Z)
Randomစိတ်ကူးပေါ်ရာရေးမယ် မရိုတတ်ပေမဲ့ ချိုတော့ချိုမယ်
