မနက်ဖြန်တွေကိုသာ ကြိုမြင်ခဲ့မယ်ဆိုရင် ဂျွန်မြောင် တဇွတ်ထိုးဘာမှလုပ်ဖြစ်မှာမဟုတ်...။ အခုကိစ္စတွေသာ ဖြစ်လာခဲ့မယ်ဆိုတာသာ သိခဲ့ရင်....
မနက်စောစော မန်နေဂျာအငယ်လေးက အူယားဖားယားဖုန်းဆက်လာသည်က ရိုက်ကွင်းတစ်ခုရှိနေလို့ပါတဲ့။ အရင်ကရိုက်ထားတဲ့ ဓာတ်ပုံတွေကို ပုံစံပြောင်းချင်တဲ့အကြောင်း ဂျွန်မြောင့်ဆီ မေးလ်ပို့ထားပြီးကြောင်းပါပြောလာတော့မှ မနေ့ညက မစစ်ဘဲကျန်ခဲ့သည့် CK's mailက သူ့ကိုပြုံးပြနေလေသည်။
အပြေးအလွှား အဝတ်အစားကောက်လှဲပြီး မနက်စာပြင်ဆင်ပြီး ခွေအိပ်နေတဲ့ အစ်ကို့ကို နှိုးရသည်..အိပ်ရေးမဝတဲ့ အစ်ကိုက စူပုတ်ပုတ်ရယ်။
" နွားနို့က ပူတုံးလေး သောက်နှင့်နော် "
" အတူမစားဘူးလား "
" အင်း စစ်စရာလေးတွေရှိလို့ "
ပါမုန့်ကို ပါးစပ်ထဲထိုးသွတ်ရင်း အလုပ်ခန်းထဲ ဝင်သွားပြန်သည်။ သူ့အတွက် သူ့ကြောင့် ပင်ပန်းနေရရှာပြန်ပါပြီ။
တီ...တီ
တံခါးဘဲလ်သံကြားတော့ ဂျွန်မြောင်က အခန်းထဲကနေ အိတ်ကြီးတစ်အိတ်ဆွဲပြီး ထွက်လာတော့သည်။
အင်္ကျီကြယ်သီးက ပြည့်အောင်မတပ်ရသေးတာမို့ ရင်ဘတ်ဖြူဖြူနှင့် ခပ်ရဲရဲအကွက်တွေက အတိုင်းသား။
တံခါးကိုဖွင့်ခါနီးဆဲဆဲလက်တွေက ရီရှင်း လက်ဝါးတွေကြားဆွဲယူခံလိုက်ရသည်။
" ဒီပုံနဲ့အပြင်ထွက်မလို့လား အရမ်းရက်ရောနေတယ်ပေါ့လေ "
ပြောရင်းဆိုရင်း ကြယ်သီးတွေကို သေချာတပ်ပေးနေသည်။ ရီရှင်းရဲ့ ဝင်လေထွက်လေက ဂျွန်မြောင်နဖူးပေါ်အထိ ရိုက်ခတ်မိနေပေမယ့် အဲ့တာကို ရင်မခုန်နိုင်သည်အထိ ဂျွန်မြောင်လောနေသည်။
" မြန်မြန်ထွက်ရအောင်လေ..ဟိုက စောင့်နေရတာကြာနေလောက်ပြီ အားနာစရာ "
ချိန်းထားသည့် အချိန်မှနိုးကြတာမို့ ဂျွန်မြောင်မှာ တစ်ဖက်လူကို အားနာမဆုံး။
စကားပြန်တောင်မစောင့်တော့ဘဲ ဂျွန်မြောင်က မန်နေဂျာအငယ်လေးနဲ့ အောက်ဆင်းသွားပြီမို့ တံခါးပိတ်ပြီးသာ ရီရှင်းဆင်းလာရတော့သည်။
YOU ARE READING
My Idol Becomes My Husband (U+Z)
Randomစိတ်ကူးပေါ်ရာရေးမယ် မရိုတတ်ပေမဲ့ ချိုတော့ချိုမယ်
