လေဆိပ်မှာ အသင့်စောင့်နေတာက လူအုပ်စုလိုက်ကြီး။
သတင်းထောက်တွေအများသားမို့ ဂျွန်မြောင်ခြေလှမ်းတွေ တုံ့ဆိုင်းသွားရသည်။ခရီးထွက်ရမယ့် အကြောင်းပြချက်နဲ့ မနေ့က တစ်ညနေလုံး ဂျွန်မြောင်ကို ဖုန်းပေးမသုံးခဲ့။
ဒါကြောင့် အခုဘာတွေဖြစ်နေလဲ သူဘာမှမသိ။တံခါးအပြင်ထွက်လိုက်တော့ ကင်မရာမီးတဖျတ်ဖျတ်နဲ့ ရှေ့အတင်းတိုးလာကြတော့သည်။ အနားမကပ်ရခြင်းမှာ အင်အားကောင်းသည့် လုံခြုံရေးများကြောင့်သာ။
" ရီရှင်းက တကယ်ပဲ ယောက်ျားတစ်ယောက်နဲ့ လက်ထပ်ထားတာ ဟုတ်ပါသလား "
" ကင်ဂျွန်မြောင်က ရီရှင်းရဲ့ အိမ်ထောင်ဖက်ဆိုတာ မှန်ပါသလား "
" ပရိတ်သတ်တွေရဲ့ ခံစားချက်ကို အရေးမစိုက်တာဆိုတဲ့ အပေါ် ဘာထင်မြင်ချက်ရှိပါသလဲ "
" မနေ့ညက တင်လိုက်တဲ့ပိုစ့်အပေါ်ဝေဖန်မှုတွေရှိနေတာကို ဘယ်လိုမြင်သလဲ "
ဘာတွေလဲ...ဘယ်ကနေဘယ်လိုများ ဒီသတင်းထောက်တွေက အနံ့ရသွားတာလဲ။
ဟုတ်တယ် သံသယအခြေအနေမို့ ငြင်းလိုက်ရင်ရမှာပဲ
" မဟု........"
" ဟုတ်ပါတယ် ကျွန်တော်တို့လက်ထပ်ထားပါတယ် ဘယ်သူဘာပြောပြော ကျွန်တော်မှန်တယ်ထင်တဲ့လမ်းမို့ ဆက်ပြီး လျှောက်သွားမှာပါ "
စကားအဆုံးမှာ ဆွံ့အသွားတာ ဂျွန်မြောင်တင်မဟုတ် သတင်းထောက်တွေပါပါသည်။
ရူးသွားပြီလား သူတို့ကသတင်းထောက်တွေလေ....
" ရီရှင်းကောကော ဘာတွေဖြစ်လာပါစေ ညီမတို့က ကောကောဘက်မှာ ရပ်နေမယ် ကောကောကိုကာကွယ်ပေးမယ် "
သံပြိုင်အော်သံက လေဆိပ်အတွင်းထိပါဟိန်းခနဲ...
ကားပေါ်တက်ခါနီး 90°ဦးညွတ်ပြလိုက်ဖို့လဲ ရီရှင်းမမေ့။
ဒီလူတွေရှိနေလို့သာ သူဒီနေရာအထိရောက်လာခဲ့တာ မဟုတ်ဘူးလား
ချစ်ရပါသော ဂျွန်
ပြီးတော့ ဓာတ်ပုံတစ်ပုံ...ဂျွန်မြောင်ရဲ့ နောက်ကျောပြင်ကို လှမ်းရိုက်ထားသော ဓာတ်ပုံ
YOU ARE READING
My Idol Becomes My Husband (U+Z)
Randomစိတ်ကူးပေါ်ရာရေးမယ် မရိုတတ်ပေမဲ့ ချိုတော့ချိုမယ်