Blood Contract with her Royal Villainess

♕CHAPTER 18♕

CANA ANNALIS

♕ ♕ ♕

Napatingin ako sa kaniyang matapos niyang bunutin ang kaniyang pangil sa aking laman, dinilaan niya ang gilid ng kaniyang labi para simutin ang dugo ko sa labi niya.

Napalunok ako nang makita kong nakatingin pa rin siya sa 'kin, hindi ko alam bakit parang tinatawag ako ng mapupula niyang labi.

"Ano may sasabihin ka pa?" Tanong niya sa 'kin at mabilis kong iniling ang ulo ko sa harap niya. Hindi ko alam bakit kabado ako habang tinititigan ko ang mga mata niya.

"Sa susunod wag mo na ko ibubugaw sa iba lalo na't wala naman sa isip ko ang bagay na 'yan, nabubuhay lang ako para pagsilbihan ka na iintindihan mo?" Tanong niya sa 'kin at para bang siya pa itong master at ako ang slave na mabilis niyang napapasunod sa mga salita niya.

"Yes master," sagot ko sa kaniya at napataas ang isang kilay niya sabay pigil ng tawa.

"Pfft—" rinig kong pagpigil niya sa tawa niya kaya napangiti na rin ako at nawala na ang kaba sa dibdib ko.

Inayos niya ang sarili niya at bumalik sa pokerface niyang mukha na akala mo talaga hindi siya muntikang matawa kanina, napangiti na lang din ako at sinundan siya sa paglalakad sa hardin.

Mula rito ay mas rinig namin ang pyesa ng musika na tinutugtog sa loob ng kasiyahan, pumupwesto kami sa isang malaking gazebo sa gitna ng hardin at doon na upo.

Tumingin ako sa kaniya at hinahanap ang pagkakataon kung kailan ko pwede itanong sa kaniya ang nangyari sa kanila ni Diana kanina.

Umupo kami sa hagdan ng gazebo at tinignan lang ang kalangitan na puno ng mga bituin. Ito ang nakakatuwa sa Lumire Empire, tuwing umaga ay puno ng ulap ang kalangitan at sa gabi naman ay malinis na malinis ito kaya kitang-kita ang mga bituin sa kalangitan.

"So anong nangyari kanina? Wala ka talagang naramdaman?" Panimulang tanong ko sa kaniya at tinukod niya ang dalawang kamay niya sa likuran niya at tumingala rin sa kalangitan.

"Wala, ano bang dapat kong maramdaman?" Tanong niya at napalingon ako sa kaniya. Ito ba talaga ang Viggong nakasulat sa libro kung saan patay na patay siya kay Diana at hindi hahayaan na makanti ito ng iba?

"Alam mo na 'yung bigla na lang titibok nang mabilis 'yung puso mo tapos parang kakabahan ka na ewan," paliwanag ko sa kaniya at kumunot naman ang noo niya sabay tingin sa 'kin.

"Wala akong naramdaman na ganun, bakit ikaw naramdaman mo na ba 'yun? Kanino sa asong lobo na escort mo ngayong gabi?" Tanong niya na may halong inis kaya natawa ako.

"Hahaha, noon aaminin ko gan'yan ako kay sir Grimm, as in magpapansin ako to the point na nakakahiya na balikan sa memorya ko ngayon," paliwanag ko sa kaniya at bumalik na rin ng tingin sa langit.

"Oh bakit hindi mo na nararamdaman ngayon?" Tanong niya sa 'kin at napayuko naman ako at napa-isip.

Kung pwede ko lang sabihin sa kaniya na 'oo hindi ko na siya gusto dahil ikaw na ang gusto ko' pero masyado pang magaa para masabi kong pagmamahal na ba talaga ang nararamdaman ko o baka paghanga lang.

"Hindi na eh, pero humahanga pa rin naman ako sa kaniya hahaha," sagot ko at narinig ko lang siyang sumagitsit.

Binalot ulit kami ng katahimikan nu'n habang nakatingin kami sa kalangitan at nanonood ng mga bituin.