[UNICODE]
ကျင်ချွမ်လမ်းမကြီးသည် ညစ်ပတ်ရှုတ်ပွပြီး ပြိုလဲယိမ်းယိုင်နေသောအဆောက်အဦးများဖြင့် ပြည့်နှက့်နေသော လမ်းဟောင်းကြီးတစ်ခုဖြစ်သည်။ တရားမဝင်သောကြော်ငြာများ၊ ချေးငွေလုပ်ငန်းများ၊ ဆေးဆိုင်များနှင့် ရှုတ်ပွစွာရေးခြစ်ထားခြင်းခံရသော မီးခိုးရောင် အုတ်တံတိုင်းတစ်ခုရှိသည်။ ဝါယာကြိုးများသည် ပိုက်ကွန်သဖွယ်လိမ်ကျစ်လျှက် အုတ်တံတိုင်းနံရံ များ၏အပေါ်မှ ခန်းစီးလိုက်ကာစသဖွယ်အောက်သို့တွဲလောင်းကျလျက်ရှိသည်။ ထို့အပြင်ထိုအုတ်တံတိုင်း၏အောက်ခြေတွင် ပြာပုံကိုဖုံးအုပ်ထားသော မိုးကာတစ်ချပ်လဲရှိသည် သို့သော် ထိုမိုးကာ၏အရောင်သည်ကား မည်သည့်အရောင်ရှိသလဲဆိုသည်ကိုတော့ဖြင့် မည်သူမျှ မခန့်မှန်းတတ်ပေ...။
ချူယုဟာဆိုရင် ဤစိတ်ပျက်ဖွယ်ကောင်းသောပတ်ဝန်း ကျင်အခြေနေကြောင့် နာရီဝက်လောက်ကြာသည်အထိ အံ့သြဆွံ့အသွားခဲ့မိသည်။
သြဂုတ်လရဲ့ ပူပြင်းလှသော နေရောင်ခြည်ဒဏ်ကြောင့် ချူယု၏ စိတ်သည် ကသိကအောက် ဖြစ်နေသည်။
ချူယုဟာအေးအေးဆေးဆေး လမ်းလျှောက်လာရင်းဖြင့် ဒေသထွက်အစားအစာများကို လူမြင်ကွင်းတွင် ရိုးရှင်းစွာ ခင်းကျင်းထားသည်ကို မြင်တွေ့လိုက်ရသည်။ အမဲသားစွပ်ပြုတ်ကို ပုံနှင့်တကွ ခင်းကျင်းဖော်ပြထားသည်ကို မြင်တွေ့လိုက်ရသောအခါ ပါးစပ်ထဲမှတံတွေးများသည် ရွံရှာသောစိတ်ဖြင့် အလိုလိုထွက်လာသောကြောင့် ထိုစိတ်ပျက်ဖွယ်နေရာမှအမြန်ပြေးထွက်လာလိုက်မိတော့သည်။
___"ဘယ်လိုတောင်စိတ်ပျက်ဖို့ကောင်းလိုက်တဲ့ အသံတွေလဲကွာ"
သူ့ရဲ့ခေါင်းတစ်ခုလုံး စိတ်တွေကရှုတ်ထွေးနေတယ်၊ ချူယုဟာ နံရံတစ်ခုရဲ့ထောင့်ချိုးတနေရာရောက်သည်အထိ သူ့ခြေထောက်တွေကိုမရပ်တန့်မိခဲ့ဘူး အဲ့အချိန်မှာပဲ သူ၀ိုးတိုးဝါးတာအသံတွေကိုကြားလိုက်ရသည်။ သူ့ဟာခနလောက်တုံ့ဆိုင်းသွားပြီးနောက် ရှေ့သို့ခြေလှမ်းအနည်းငယ်လှမ်းသွားခဲ့သည်။ ထိုနောက်အဲ့နေရာကိုကြည့်လိုက်သည်။ အဲ့ဒါကအရမ်းအံ့သြစရာကောင်းတဲ့အနေအထားဖြင့် လူတစ်စုမတ်တတ်ရပ်နေတာကိုတွေ့လိုက်ရသည်၊ သူတို့တွေရဲ့ မျက်နှာ ပေါ်မှာထင်ဟပ်နေသော ဒေါသတွေကြောင့် ဘေးနားက အပူချိန်တောင် ၃၀ သို့မဟုတ် ၄၀ ဒီဂရီလောက်မြှင့်တက်နေသလိုသူခံစားလိုက်ရတယ်၊
တိုက်ခိုက်ဖို့အတွက်လူတွေစုရုံးနေကြတာလား?
YOU ARE READING
Bite Your Fingertips [Myanmar Translation]
FantasyEng Title :Bite Your Fingertips Short Title :BYFA lternate Title :咬上你指尖 Author :Su Jingxian Genre :Fantasy, Romance, School Life, Supernatural, Yaoi Original Author Link: https://www.z...