Capturing Her Heart

Chapter 23

CHAPTER 23

NAGISING SI Sanie na para bang may yumuyugyog sa kanya. Idinilat niya ang mga mata at nakita si Xylyx na malapit ang mukha sa mukha niya.

"Hmm." Umayos siya ng pagkakaupo at kinusot ang mata. "Nasaan na tayo?"

"Ahm, i think we're here?" Hindi siguradong sagot nito. Tumingin siya sa labas ng bintana at nakita ang daan patungo sa bahay nila. "Hindi naman tayo naliligaw hindi ba?"

Mahina siyang natawa sa sinabi nito. "Or course not."

Binuksan niya ang pinto saka bumaba ng sasakyan. Nag-unat siya ng katawan. Namiss niya ang sariwang hangin rito sa probinsya nila. Sa syudad ang lagi niyang nalalanghap ay polluted air.

Tumingin siya sa likod nang maalala niyang kasama pala nila si Lucas. Baka iniwan na iyon ni Xylyx sa daan.

Thanks god.

Nakahinga siya ng maluwag nang makita si Lucas na nakasandal sa kotse habang may kausap cellphone.

"Akala ko iniwan mo na siya sa daan." Wika niya at nilingon si Xylyx na nakapamulsa at nakatingin lang sa kanya. So hot!

"Even if i want to, i have no choice." Anito at napabuntong hininga. "Alam ko namang magagalit ka kapag iniwan ko yan."

"Buti alam mo." Natatawang wika niya. "Ayos, dito na tayo."

"Huh?" Napalingon siya rito. He look so confuse. Tumingin ito sa daan na patungo sa bahay nila. "Dito?"

Tumango siya. "Hindi kasya ang sasakyan niyo papasok sa iskinita na yan kaya maglalakad tayo."

"Malayo ba bahay niyo?" Tanong nito na para bang pagod na pagod ito. "Wala bang ibang daan papunta sa inyo? Yung kasya kotse namin?"

"Wala." Sagot niya at tinuro ang likod ng sasakyan. "Buksan mo na yung compartment para makuha na natin yung mga gamit."

Napabuntong hininga ito at sinunod ang sinabi niya. Napailing-iling na lang siya saka nilapitan si Lucas na tinabi na ang cellphone sa bulsa.

"Lucas." Tawag niya rito at agad naman itong lumingon sa kanya. "Tara na. Maglalakad tayo papunta sa bahay."

"Ah, sige. Kukunin ko lang yung mga gamit ko." Wika nito. Tumango na lang siya saka ito hinintay. Nang bumalik ito sa kanya ay may dala na itong isang backpack at dalawang gift bag. "Halika na."

Tumango siya at bumalik sa sasakyan ni Xylyx. Kinuha niya ang backpack niyang dala nito at pati na rin ang mga regalo niya para sa mga kapatid pero hindi siya nito hinayaang makuha iyon.

"Ano ba, bigay mo nga sakin yan." Aniya at pinilit na bawiin rito ang mga regalo pero itinaas nito ang kamay na may hawak na regalo. "Xylyx, akin na yan."

"Ako magbibitbit nito maglakad ka na lang." Anito. Wala na siyang nagawa kundi ang sundin ito. Nakatabi na rin sa gilid kung saan may parkingan talaga ng mga sasakyan para hindi sagabal sa mga sasakyang kasya sa iskinita. "Lead the way."

Inirapan niya muna ito saka nag-umpisa nang maglakad. Nang makapasok sila sa iskinita agad niyang nakita ang mga kapit-bahay nilang hindi naman tsismoso at tsismosa. Note the sarcasm.

Hindi na siya nagulat nang biglang magbulungan ang mga kapit-bahay nila nang makita na may kasama siyang dalawang lalaki. Bakit ba nauso ang mga tsismoso at tsismosa ngayon?

"Bakit sila nakatingin satin?" Inosenteng tanong ni Lucas nang makatabi ito sa kanya. "May problema ba sila?"

"Huwag mo silang pansinin." Napabuntong hininga siya saka masamang tingin ang pinukol sa mga kapit-bahay nilang nagbulungan na agad namang nag-iwas ng tingin. "Mga tsismoso at tsismosa yan dito. Konting kibot mo lang pag-uusapan ka na agad."