လော်ဆန်းနဲ့အချိန်အတိုင်းအတာတစ်ခုအထိ တွဲခဲ့ဖူးတဲ့ မုန့်ရန် ကလော်ဆန်း ရဲ့အကြောင်းတွေကိုသေချာသိပါတယ်။လော်ဆန်း က အဖိုးဖြစ်သူရဲ့စောင့်ရှောက်မှုအောက်မှာ ကြီးပြင်းခဲ့ရသူဖြစ်ပြီး သူအရွယ်ရောက်တော့မှသာ လော်ရှို့ ဆီကိုပြန်ရောက်လာခဲ့တာဖြစ်တယ်။လော်ဆန်း က အပြင်မှာသီးသန့်အိမ်တစ်လုံးဝယ်ထားတာကြောင့် အဓိကအိမ်တော်( လော်ရှို့ရဲ့အိမ်)ကို ပြန်မလာဖြစ်တာများတယ်။
တကယ်လို့ သူပြန်လာဖြစ်ခဲ့ရင်တောင် ကြီးမားလှတဲ့အဓိကစံအိမ်တော်ကြီးထဲမှာ တစ်ယောက်နဲ့တစ်ယောက် တွေ့ဖြစ်ဖို့ဆိုတာသိပ်မလွယ်ပါဘူး။မုန့်ရန် ကတော့
လော်ဆန်း ရောက်မလာခင်ရက်အနည်းငယ်လောက်ထိဒီစံအိမ်တော်မှာနေထိုင်ဖို့တွေးထားခဲ့တယ်။သို့ပါသော်လည်း မုန့်ရန်နဲ့ လော်ရှို့ တို့အတူတူနံနက်စာစားနေတုန်းမှာ လော်ဆန်း တစ်ယောက်ရောက်ချလာပါလေရော။
လော်ဆန်း က လော်ရှို့ ကိုတစ်ခုခုပြောချင်နေပေမယ့် မုန့်ရန်ကိုတွေ့လိုက်ရတာကြောင့် အတော်အံ့အားသင့်သွားခဲ့တယ်။
"မင်း ဒီမှာဘာလုပ်နေတာလဲ?"
လော်ဆန်း တစ်ယောက်အခုမှ အာရုံပြန်လည်လာပုံနဲ့မေးခွန်းပြောင်းမေးလိုက်ပြန်တယ်။
"ဒီကိုလာဖို့မင်းကိုဘယ်သူကခွင့်ပြုလို့လဲ!?"
မုန့်ရန်က မေးနေတာကိုပြန်ဖြေရမယ့်အစား
အပြစ်ကင်းပြီးအကူအညီမဲ့နေတဲ့မျက်ဝန်းတွေနဲ့ တမင်တကာကိုလော်ရှို့ကို လှမ်းကြည့်လိုက်တယ်။"သူက ငါဖိတ်ထားတဲ့ဧည့်သည်၊ ဒီအကြောင်းနဲ့ပတ်သတ်ပြီး ဘာပြောချင်သေးလဲ?"
လော်ရှို့ ရဲ့အသံက ရေခဲတမျှအေးစက်နေတယ်။
လော်ရှို့ ရဲ့စကားတွေက လော်ဆန်း ကို ပိုတောင်အံ့အားသင့်သွားစေခဲ့တယ်။
"အဖေ!!!သူအဖေ့ကိုဘာတွေပြောထားလို့လဲ?သူနဲ့ကျွန်တော် အစောကြီးကတည်းကလမ်းခွဲထားပြီးသား၊သူပြောသမျှတွေအကုန်လုံးက အလိမ်အညာတွေကြီးပဲ၊အဖေသူ့ကိုမယုံနဲ့!!"
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...