« 1 - 2 - 3 នែ៎ លោកក្រោកឡើង » ថេយ៍ក៏ហក់ក្រឡងជុងហ្គុកទៅវិញទៅមកហើយក៏អោនមកដាស់គេវិញ ។
« ហ៊ើយ នៅមិនទាន់ស្លាប់ឯណា៎ ខំតែភ័យ » ដៃក៏លើកមកប៉ះយកខ្យល់ដង្ហើមរបស់នាយដឹងថានៅទេ បែបនេះគេអស់បារម្ភហើយរួចក៏ដើរចុះទៅខាងក្រោមញុំាអាហារពេលព្រឹកជាមួយគ្រួសារត្រកូលចន ។
« ឯណា៎ជុងហ្គុកនោះ?? » លោកចនក៏សួររកជុងហ្គុកពីកូនប្រសាររបស់គាត់ខណៈដែលថេយ៍ក៏អង្គុយទល់មុខគាត់ កូនប្រុសគាត់បាត់តាំងពីការញុំាអាហារពេលល្ងាចយប់ម្សិលមិញ ហើយចុះអាហារពេលព្រឹកនោះចង់បាត់ខ្លួនទៀតឬ??! ។
« គាត់នៅគេងក្នុងបន្ទប់ ដោយសារយប់មិញត្រឡប់មកផ្ទះជ្រុលម៉ោងបន្តិច »
« អឹម... អញ្ចឹងមិនអីទេ ឆាប់នាំគ្នាញុំាបាយទៅ »
« បាទ »
បន្ទាប់ពីញុំាអាហាររួចរាល់ហើយ ។
« ជុងនៅមិនទាន់ភ្ញាក់ទៀតហ្ហេស?? »
« ប្រហែលហើយអ្នកម៉ាក់ »
« ឯងរៀបអាហារអោយជុងផង » គាត់ក៏ចង់ឃើញគុណសម្បត្តិរបស់ថេយ៍ដែរអញ្ចឹងហើយក៏ប្រើគេអោយរៀបអាហារអោយជុងហ្គុក ។
« បាទ ម៉ាក់ក្មេក »
ថេយ៍ក៏រៀបចំថាសអាហារឡើងទៅក្នុងបន្ទប់ ។ មកដល់ខាងក្នុងមិនឃើញជុងហ្គុកនៅគេងទៀតទេប្រហែលជាគេនៅក្នុងបន្ទប់ទឹកហើយទើបថេយ៍ក៏ដាក់ថាសអាហារចុះលើតុអង្គុយចាំនាយពីបន្ទប់ទឹក ។
ជុងហ្គុកក៏ដើរចេញមកទាំងចំហរល្វែងខាងលើមានតែកន្សែងរុំផ្នែកចង្កេះចុះក្រោមប៉ុណ្ណោះ ។ ដើរមកបើកទូយកខោអាវមកផ្លាស់ ។
« ខ្ញុំយកបាយមកអោយ » ក្រោយឃើញនាយរៀបចំខ្លួនរួចរាល់ហើយថេយ៍ក៏ងាកទៅប្រាប់ជុងហ្គុក ។
« មិនបាច់ទេ បងត្រូវទៅប្រជុំ ( ក្រឹប ) » ជុងហ្គុកនិយាយទាំងទឹកមុខនឹងធឹងសម្លឹងទៅរកថេយ៍ គេក៏ចងចិញ្ចើម ហើយជុងហ្គុកក៏បិទទ្វារក្រឹប ។ គ្រប់ពាក្យដែលថេយ៍និយាយពេលនាយគេង នាយសុទ្ធតែបានឮល្វើយៗ.ក្បែរត្រចៀកទាំងអស់ បូកផ្សំនឹងពាក្យសម្ដីព្រឹកម្សិលមិញទៀតនាយក៏ប្រែជាសភាពដើមមកភ្លែត ។
YOU ARE READING
✯ លង់ស្នេហ៍ភរិយាក្លែងក្លាយ ✯
Fanfictionរត់គេចពីការផ្គូរផ្គង់ តែបែរជាមកធ្លាក់ក្នុងអន្លង់ស្នេហ៍ភរិយាក្លែងក្លាយ*ម្នាក់នេះទៅវិញ.... ។ #គ្រាន់តែបោកបញ្ឆោតថាត្រឹមជាសង្សារក្លែងក្លាយ តែពួកគាត់ក៏បង្ខំអោយរៀបការ !!! # តាមហួងហែងគេ តាមបារម្ភខ្វល់ខ្វាយពីគេ តើបានអ្វីមកវិញ?? #ស្រលាញ់គេ តែបើជាមិនព្រមសា...