အတ္တလွန် အချစ်
အပိုင်း(2)
အတ္တက သူမကို စူးစူးစိုက်စိုက်ကြည့်လိုက်တော့ သူမက ဒေါသအရှိန်နဲ့ရှူးရှူးရှဲရှဲဖြစ်နေကာ
"ကျွန်မကို ဘယ်လိုမိန်းမစားထင်နေလဲ အလုပ်ပေးမယ်ဆိုပြီး ဒီလိုစော်ကားလို့ရမလား "
ကတ်ကတ်လန် ပြန်ပြောရဲတဲ့သူမရဲ့သတ္တိကို အတ္တအံ့သြနေရသည်။
ငယ်စဉ်ကတည်းက သူ့စကားတစ်ခွန်းဆိုတစ်ခွန်းဘယ်သူမှအတွန့်မတက်ခဲ့ကြပေ။
အခုဒီမိန်းကလေးက ငါဘယ်သူလဲဆိုတာကိုမသိတာလား။
ပြီးတော့ သူမပြောတဲ့ အလုပ်ပေးမယ် ဆိုသည့်စကားကိုလည်းနားမလည်ခဲ့ပါ။
"မင်း ဘာတွေပြောနေတာလဲ "
"တောက် မိုက်ရိုင်းလိုက်တာ!"
သူမက ဖျက်ကနဲ တစ်ဖက်သို့လှည့်ကာ ထွက်သွားမည်အပြု ...
"အ "
လက်ကောက်၀တ်ကို အကြမ်းပရမ်း ဆွဲလှည့်လိုက်သည့်အခါ၀င်တိုက်မိသည်က သူ့ရင်အုပ်ကြီးနှင့်။
"မင်းက အဲ့ဒီလို ပြောချင်တိုင်းပြောပြီးထွက်သွားလို့ရလား ဟက် လာမူမနေနဲ့ မင်းကို အလကားငှားထားတာမဟုတ်ဘူး ပိုက်ဆံပေးပြီးသား "
"ဘာ ရှင် ဘယ်လိုပြောလိုက်တယ် လွန်လာပြီနော် ကျွန်မက အဲ့ဒီလိုမိန်းမ မဟုတ်ဘူး "
နောက်တစ်ချက် ပါးပေါ်ကျရောက်လာမည့် သူမ လက်တွေကို ဆုပ်ကိုင်ခြင်းခံလိုက်ရသည့်အခါ သူမက အတင်းရုန်းလေသည်။
"လွှတ် လွှတ်စမ်း ရှင် ..."
ရုတ်တရက်ကြီး သူမ ငြိမ်ကျသွားသည်မှာ
ခါးသို့ တစ်ခုခုနဲ့ထောက်ထားသလို ခံစားရသည်မို့ ငုံ့ကြည့်မိလျှင် သူမခါးကိုထောက်ထားသည့် သူ့လက်ထဲက ပစ်စတိုသေနတ်လှလှကလေးပင်ဖြစ်သည်။
ဘာစကားမှမပြောနိုင်တော့ဘဲ သူမထက်ခေါင်းတစ်လုံးစာအလုံအလောက်မြင့်မားသော သူ့အရပ်ကြောင့် ရုပ်ဖြောင့်ဖြောင့်နဲ့သူ၏မျက်နှာကိုမော့ကြည့်လိုက်သည်။
"ငါ့ အသားနာအောင် လုပ်တဲ့သူကို ဒီတိုင်းမထားဘူး "
သူမ လှုပ်ပင်မလှုပ်ရဲပေမဲ့ မျက်နှာထားတင်းတင်းကတစ်စက်မှမလျော့ပေ။
YOU ARE READING
အတ္တလွန်အချစ် (OC) Completed
Romance"စီးကရက်နဲ့ကျွန်မ ရှင်ဘာကိုပိုကြိုက်လဲ" "လွယ်လိုက်တာ မင်းပေါ့ မင်းကိုမနမ်းဖူးခင်အထိ ကိုကင်းက ကိုယ့် Favorite မင်းနှုတ်ခမ်းတွေနဲ့ယှဉ်ရင်တော့ ဘာအေရးပါမှာလဲ" Mautre on Uni/Zawgyi "စီးကရက္နဲ႕ကြၽန္မ ရွင္ဘာကိုပိုႀကိဳက္လဲ" "ၾလယႅိုကၱာ မင္းေပါ့ မင္းကိုမနမ...
