အတ္တလွန်အချစ် (OC) Completed

Part (13) Uni/Zawgyi

အတ္တလွန် အချစ်
အပိုင်း(13)
မွန်း မယုံနိုင်ခဲ့ဘူး
သူ သူ ရင်ခုန်နေတယ်
မွန်းရဲ့လက်ဖဝါးကလေးကနေတစ်ဆင့် သူ့ရဲ့နှလုံးခုန်သံတွေကို ခံစားမိသည်။

မွန်းသည် သူ့ကိုမော့ကြည့်ပြီး သူ့ရင်ဘက်ပေါ်ကလက်တွေကို ပြန်ရုတ်သိမ်းလိုက်သည်။

ရှက်တာရယ် ရင်ခုန်တာရယ် ဘာလုပ်ရမှန်းတောင်မသိတော့ဘဲ သူဖက်ထားတဲ့ရင်ခွင်ထဲမှ ရုန်းထွက်နောက်ဆုတ်လိုက်ရာ အတ္တက မွေ့ယာပေါ်က အဖြူရောင်အမွှေးပွခြုံထည်ကြီးကို မွန်းရဲ့ပုခုံးပေါ်သို့ လွှားတင်ပေးလိုက်သည်။

ထို့နောက် ရွှေရောင်ပိုက်ဆံအိတ် သေးသေးလေးကိုလက်ထဲထည့်ပေးကာ မွန်းရဲ့ ပုခုံးနှစ်ဖက်ကိုကိုင်၍

"သွားရအောင် "
မွန်းအတွက် ဘာတွေဘယ်လိုဖြစ်နေမှန်းတောင်မသိတော့ပါ။

သူပဲရက်စက် သူပဲချော့မြူ။
သူ့ရဲ့အစစ်အမှန်ဟာဘာလဲ။
ဒီခရီးကိုမွန်းဘယ်လိုနှင်ရမလဲ။
အခုတထိ မွန်း ဘာတွေလုပ်ရမလဲဆိုတာကိုမသိရသေး။
ဘယ်လောက်ခက်ခဲလိမ့်မယ့် ကိစ္စမျိုးကိုခိုင်းမှာလဲ။

ကားက အရင်လိုသူ မောင်းနေကျ အနက်ရောင်ပြောင်လဲ့နေသောပြိုင်ကားကလေးမဟုတ် မိသားစုကားရှည်ကြီးဖြစ်သည်။

အလင်းကတံခါးလာဖွင့်ပေးတဲ့အခါ အတ္တက အရင်၀င်လိုက်ပြီးမှ သူမရဲ့လက်ကိုလှမ်းပြီးဆွဲခေါ်လိုက်သည်။

သူမက ဂါ၀န်စလေးသိမ်းက ကားပေါ်ရောက်လျှင်ရောက်ချင်း မထိုင်ရသေးခင် အနောက်မှ အလင်းက ကားတံခါးကိုပိတ်လိုက်တော့ မွန်းဟာ ကုန်းကုန်းကွကွနှင့် ဒေါက်ဖိနပ်ကလည်းမြင့်သဖြင့် ဟန်ချက်ပျက်သွားတဲ့ မွန်းရဲ့ခန္ဓာကိုယ်လေးကို အတ္တသည် သူ့ပေါင်ပေါ်ရောက်မတက်ဆွဲချပစ်လိုက်သည်။

"အဲ့..."
ရုန်တရက်ပြိုကျလာသည့် သူမဆံနွယ်တွေက
အတ္တ မျက်နှာပေါ်သို့ ဂပိုဂရို အုပ်ကျသွားပြီး
အတ္တရဲ့လည်တိုင်သို့လည်း ဖက်တွယ်လျှက်သား
အတ္တဟာ အမွှေးပွခြုံလွှာကြီးရဲ့အောက်မှ အကာအကွယ်မရှိသော သူမရဲ့ ကျောပြင်နုနုကလေးကို သူ့လက်ဖဝါးအစုံနှင့်ပွတ်သပ်ဖက်တွယ်ထားသည့်အခါ အလိုက်သိတဲ့အလင်းက ကားနောက်ခန်းနဲ့မောင်းသူနေရာကိုခြားနားထားမည့်တံခါးကို ဆွဲပိတ်လိုက်သည်။