အတ္တလွန် အချစ်
အပိုင်း(22)
အတ္တသည် အလင်းရှိတဲ့ကားနားသို့ လျောက်လာခဲ့သည် ။
"သွားစို့ အလင်း "
တကယ်လို့ ဒီနေ့ဂျော်နီနဲ့သာ ချိန်းမထားရင်
အခုလို အပြင်ထွက်ဖြစ်မှာမဟုတ်။ သူမရဲ့ပြုစုယုယမှုတွေကိုနှစ်သက်တာမို့ အိပ်ယာထဲကတောင်ထဖြစ်မည်မထင်ပါ။
=====================
သူချိန်းတဲ့ Bar ကိုရောက်လျှင်သီးသန့် VIP အခန်းထဲမှာ မိန့်မိန့်ကြီး ပုလင်းထောင်၍ထိုင်နေသည့် ဂျော်နီက အတ္တ တံခါးဖွင့်၍ ၀င်လာသည်နှင့် မျက်ခုံးတစ်ချက်ပင့်ပြလိုက်သည်။အတ္တကတည်တံ့လွန်းသည့်မျက်နှာထားနှင့် သူ့ရှေ့မှာ၀င်ထိုင်လိုက်ပြီး
"မင်း မချိန်းတောင် ငါက ချိန်းဖို့စိတ်ကူးထားတယ်"
အတ္တက အရင်ဖွင့်ဟလိုက်သည်။
"ဆိုပါဦး ဘာအတွက် "
အတ္တသည် ဂျော်နီ့ရှေ့က အမှုန့်တွေပါတဲ့ စီးကရက်အဖြူတစ်လိပ်ကို နှုတ်ခမ်းမှာ တပ်ဆင်လိုက်သည့်အခါ ဂျော်နီက မီးခြစ်ထုတ်ပေးလိုက်သည်။
အငွေ့တွေကိုတစ်ချက်ရှိုက်ထုတ်လိုက်လိုက်ကာ လက်ကြားထဲက စီးကရက်ကိုနှစ်သက်စွာတစ်ချက်ကြည့်လိုက်သည်။ဆေးမချရတာကြာပြီမဟုတ်လား။
"မင်းလုပ်တဲ့ကိစ္စ မင်းသိမှာပါ"
အတ္တက ပြောပြီး စီးကရက်ကိုနောက်တစ်ရှိုက်ထပ်ဖွာသည်။
"ငါက မေသုခ ကိစ္စပြောမလို့"
ဂျော်နီဟာ အတ္တရဲ့စကားကိုအသိအမှတ်မပြုဘဲ လမ်းကြောင်းလွှဲလိုက်သည်။
ဂျော်နီ့ပါးစပ်ကထွက်လာသည့် မေသုခဆိုတဲ့နာမည်ကြောင့် အတ္တကစိတ်ဝင်စားစွာနားထောင်နေသည့်အခါ
"ကြည့်ရတာ မင်းမသိသေးဘူးထင်တယ်"
မေက ဘာပဲဖြစ်ဖြစ် သူ့ကိုအားလုံးပြောပြတာပါ။ ဒီတစ်ခါ ဘာလို့ဂျော်နီကအရင်သိနေရတာလဲ။
"မေသုခ မနေ့ကပဲ အိမ်ရာမဲ့ ဖြစ်သွားတယ် "
အတ္တရဲ့မျက်ခုံးတွေကတွန့်ချိုးကျသွားပြီး
"မင်း ကိုဘယ်သူပြောလဲ"
ဒါဘယ်နည်းနဲ့မှ မဖြစ်နိုင်တဲ့ကိစ္စ။
မေ့ လိုဆရာ၀န် တစ်ယောက်က ဘာကိစ္စ အိမ်ရာမဲ့ဖြစ်ရမှာလဲ။အန်ကယ်ဂျွန်ကလည်း မေ့ကိုဒီလိုအဖြစ်ခံမှာမဟုတ်ဘူး။
မေသုခက ဒီလိုဂိုဏ်းတွေအတွက်သီးသန့်ဆရာ၀န်မဟုတ်လား။မေသုခရဲ့ အဖေ ဂျွန် သည်လည်း ဂိုဏ်းခေါင်းဆောင်ပဲလေ။
YOU ARE READING
အတ္တလွန်အချစ် (OC) Completed
Romance"စီးကရက်နဲ့ကျွန်မ ရှင်ဘာကိုပိုကြိုက်လဲ" "လွယ်လိုက်တာ မင်းပေါ့ မင်းကိုမနမ်းဖူးခင်အထိ ကိုကင်းက ကိုယ့် Favorite မင်းနှုတ်ခမ်းတွေနဲ့ယှဉ်ရင်တော့ ဘာအေရးပါမှာလဲ" Mautre on Uni/Zawgyi "စီးကရက္နဲ႕ကြၽန္မ ရွင္ဘာကိုပိုႀကိဳက္လဲ" "ၾလယႅိုကၱာ မင္းေပါ့ မင္းကိုမနမ...
