အတ္တလွန် အချစ်
အပိုင်း(31)
ခံစားမှုတစ်ခုက အရင်လိုနူးညံခြင်းမရှိ မာဆက်ဆက်ဖြစ်နေသည်။ မြေသင်းနံ့ခပ်သင်းသင်းနဲ့အတူ ချမ်းသလိုလိုရှိပေမဲ့ဖက်ထားပေးတဲ့ရင်ခွင်ကျယ်ကြီးတစ်ခုက အကာအကွယ်ပေးနေသည်။
မပွင့်တပွင့်မျက်လုံးထဲမှာ ထူးထူးခြားခြား သစ်ပင်တွေမြင်နေရသဖြင့်ဖျက်ကနဲပွင့်လာလိုက်ရာ
မွန်းအိပ်နေတာ မြေကြီးပေါ်မှာ။ ဆက်ကနဲ ထထိုင်လိုက်သည့်အခါ ဘေးတွင် နှဖူးပေါ်လက်တင်ပြီး မှေးမှိတ်ထားသေးမျက်၀န်းများနှင့်သူကအေးဆေးစွာရှိနေသည်။
"ကို!"
"Baby နိုးနေပြီလား"
သူက ဖြေးဖြေးချင်းထထိုင်လိုက်ကာ သူမအတွက် တစ်ညလုံးခေါင်းအုံးလုပ်ပေးထားတဲ့လက်မောင်းတစ်ဖက်ကို အကြောလျော့ရင်း မြှောက်ကာဆန့်ထုတ်လိုက်သည်။
"မွန်းတို့ကို ဘယ်တော့လာခေါ်မှာလဲ"
အတ္တက သူမပါးပြင်လေးအားပွတ်သပ်ရင်း
"အလင်းက နောက်၁နာရီလောက်ဆိုရင် Parisမြို့ထဲရောက်လောက်ပြီ ခဏနေရင်လေယာဥ်ဆိုက်တော့မှာ သူ မကြာခင် ကိုယ်တို့ကိုရှာတွေ့မှာပါ"
အတ္တက ဘောင်းဘီအိတ်ထဲက ဖုန်းကို ထုတ်ယူကြည့်လိုက်ပြီး
"၈နာရီ ထိုးပြီ "
ဖုန်းအားကလည်း 23%သာရှိသည်မို့ မနေ့ညက ဓာတ်မီးလိုတာတောင်ထုတ်မသုံးခဲ့ဘူး ဒီဖုန်းမရှိရင် အလင်းကသူတို့ကိုရှာတွေ့မည်မဟုတ်ပါ။ ဖုန်းကိုအိတ်ထောင်ထဲပြန်ထည့်လိုက်ပြီး မွန်းကိုကြည့်လိုက်ရာ ဝတ်ထားသောဂါဝန်က ရင်တစ်ပိုင်းဖြတ်ဖြစ်သဖြင့် ပခုံးသားလေးတွေ လည်ပင်းတွေမှာ မြက်ခြောက်တွေကပ်ငြိနေသည်ကို အတ္တက ပြုံးကြည့်ပြီး အနားတိုးလာကာ ထိုမြက်ခြောက်ဖက်တွေအား အသာလေးဖယ်ပေးသည့်အခါ သူ့ရဲ့၀င်လေထွက်လေတွေက မွန်းရဲ့လည်ပင်းနားမှာ တဝဲလည်လည်။
"က ကု ကို.."
"ဟင်!"
ရင်ခုန်လာလို့ ပခုံးလေးတွန့်ကာ သူ့ကိုသတိပေးသလို ခေါ်လိုက်ပေမဲ့သူထူးလိုက်သည့် အသံကြောင့် ပို၍ပင် ရင်ခုန်သံ ဗြောင်းဆန်ကုန်သည်။
"ငြိမ် ငြိမ် နေ လေကွာ ဒီမှာ အမှိုက်တွေဖယ်ပေးနေတာကို"
မွန်းသည် ကိုယ့်ဟာကိုယ် ခပ်မြန်မြန် ခါချလိုက်ပြီး အတ္တအနားကနေ တင်ပါးလေးအနည်းငယ်ရွေ့ထိုင်လိုက်သည်။
YOU ARE READING
အတ္တလွန်အချစ် (OC) Completed
Romance"စီးကရက်နဲ့ကျွန်မ ရှင်ဘာကိုပိုကြိုက်လဲ" "လွယ်လိုက်တာ မင်းပေါ့ မင်းကိုမနမ်းဖူးခင်အထိ ကိုကင်းက ကိုယ့် Favorite မင်းနှုတ်ခမ်းတွေနဲ့ယှဉ်ရင်တော့ ဘာအေရးပါမှာလဲ" Mautre on Uni/Zawgyi "စီးကရက္နဲ႕ကြၽန္မ ရွင္ဘာကိုပိုႀကိဳက္လဲ" "ၾလယႅိုကၱာ မင္းေပါ့ မင္းကိုမနမ...
