A Hidden Gem (Fate Series#3)

Chapter 7

"Mapapagupit po. Magkano po ba gupit dito?"

Ako naman yung lumapit sa kakarating lang na customer na magpapagupit daw dito sa maliit na salon na pagmamay-ari namin sa palengke.

"Singkwenta po."

"Oh sige, layered ah." Sabi nung customer na babae at pinaupo ko na siya sa isang upuan sa tapat ng salamin.

Pinundar ni mama at papa itong salon na ito dahil dati palang gusto na talaga ni mama ang nag-aayos at naggugupit. Kaya nga mas lalong gumaganda nanay ko eh, at kaya naakit niya ang hearttrob ng bayan noon, ang papa ko.

Nadisappoint siguro siya kung bakit ganito kinalabasan ng first born nila. Halos lahat ata ng panget na feature nila, napunta saakin. Buti nalang bawing bawi kay Emily.

Since walang trabaho ngayon si papa at summer ngayon kaya kami muna ni Emily ang tumutulong dito, meron naman ibang tauhan sila mama kaso nagbawas siya kasi hindi kinakaya ng budget. Hindi naman nawawalan ng customer dahil medyo sikat na rin kami dito.

"Hi pa! Tapos na po interview niyo?"

Napalingon naman ako sa may pinto at nakita doon si papa. Nagmano naman ako at pinapatuloy na yung pagugupit.

"May natanggap na raw sila eh," sabi ni papa sabay upo at punas ng noo niya gamit yung bimpo, "Maghahanap nalang ulit ako mamayang hapon para hindi sayang sa oras kesa maghintay pa ako bukas."

"Pahinga ka muna, pa. Baka kung mapaano ka nyan eh." Sabi ni mama.

Ilang minuto pa ay natapos na rin ako sa pagugupit. Binigyan niya rin ako ng tip na sampung piso na nilagay ko rin naman sa kita namin dahil alam ko malaki yung pangangailangan namin ngayon.

Winalis ko na yung buhok na ginupit ko at exaktong nawalis ko yung asa tapat ni papa kaya napansin niya ulit ako.

"Oh? Akala ko ba may importante kang gagawin? Bakit andito ka?"

"Gagala lang naman yan pa eh!" Sabi ni Emily.

"Hindi kaya! Wala nga akong pera pang-gala eh." Depensa ko at tumingin ulit kay papa, "Mamayang hapon nalang po ako pupunta, kung papayag po kayo? Pangako pa, hindi po ako gagala."

"Oo naman." Walang alinlangang sabi ni papa sabay ngiti saakin. Nawala lang iyon nung piningot ni mama yung tenga niya.