A Hidden Gem (Fate Series#3)

Chapter 24

"Huwag mong masyadong babaan dyan sa part na yan. Try mo ulit."

Kinanta ko ulit yung part na sinabi niya pero sa ibang pitch.

Nandito na ako ngayon sa condo ni Gino, sa secret room niya to be specific, para praktisin yung kakantahin ko sa talent portion. Naiinis nga siya kung bakit daw yun pa yung gusto kong kantahin, dapat daw iba nalang, pero sinusunod pa rin niya yung gusto ko hahaha.

"Better. Now from the top," sabi niya kaya umulit kami simula sa umpisa.

Kitang kita naman na sobrang seryoso niya sa bagay na ito, para bang kinakareer niya talaga. And seeing how passionate he is, makes my heart flutter even more for him.

"Iniinvite ka pala ni mama ng dinner sa bahay bago raw kayo umalis," sabi ko sakanya nung break na namin.

Uuwi raw kasi sila muna ng papa niya sa U.S. at doon muna magpapasko eh. Nakakalungkot nga eh, kasi unang pasko namin na magkasintahan tapos hindi man lang kami magkasama pero okay lang, mahaba pa naman byahe, marami pang pasko ang iseselebrate namin sa susunod na taon hehe.

"Sige lang," sabi niya habang may inaayos sa lyrics.

Tumango nalang ako at hindi na nagsalita para hindi siya maistorbo. Inayos ko na nang konti yung salamin ko tsaka nilibot yung paningin ko dito sa kwarto kung nasaan yung mga vintage na gamit ni Gino. May nakita naman akong lumang compass dun sa table.

"Sayo ito?" Pinakita ko sakanya yung compass.

Saglit siyang tumingin saakin bago bumalik yung tingin sa ginagawa niya. "Yeah, my mom gave it to me when I was around 5 years old during my boyscout days. Lagi kasi akong naliligaw at nawawala kaya binigay niya yan."

Natawa naman ako sa sinabi niya. "Makulit ka nga siguro nung bata kaya ka laging nawawala."

"Tss, behave lang kaya ako."

"Oo nalang," nakangisi pa ring sabi ko. Pinagmasdan ko yung compass at dahan dahang hinawakwakan ko ito, baka biglang masira eh. "Kung pwede lang sana na gamitin yung compass para makita yung tamang daan na tatahakin natin sa buhay noh. Kaso yung compass natin sa buhay, hindi natin namamalayang yun pala yung nagbibigay direksyon sa buhay natin. Ikaw ba? May tinuturing ka bang compass sa buhay mo?"

Hindi siya sumagot, mukhang hindi niya ako narinig kaya binitiwan ko na yung compass niya at nilagay na ulit yun sa table kung nasaan yun kanina.

Lumapit ako doon sa lumang piano at binuksan iyon. Since hindi ko alam kung paano tumugtog ng piano ay papindot pindot lang ang ginawa ko dun hanggang sa bigla niya akong tinabihan.